滕王閣素葷美食

營業中

休息中

如果唔熟北角，大家或者未必知道和富附近有好多隱世小店，另外係和富商場的Foodcourt和富薈都有唔少選擇，今次就介紹其中一間米線店滕王閣素葷美食，試下佢係咪達到世一標準。去到店舖發覺呢度其實有好多唔同的選擇，甚至米線湯底都有9款選擇，包括比較特別的日本麵豉、藥膳滋補湯同埋沙嗲湯等。咁我尋找世一米線，都係以雲南米線方向為依歸，所以最終都係揀左雞翼麻辣米線。一上枱望見個湯底色水唔差，不過就比較稀，都知道未必係正宗的雲南小鍋米線的做法，不過見到雞翼煎得幾「靚仔」。另外呢度的配菜係任加，種類亦都好多，例如有芫荽、花生粒、蔥花、酸菜同埋我鐘意的辣菜脯。湯底味道係麻辣米線黎講唔算濃，似屋企媽媽煲的湯底，肯定係無味精，如果用車仔麵湯底黎講絕對係高質。不過係尋找世一米線黎講就未必達到標。雞翼有四隻夠晒份量，煎得香脆，味道餣得唔錯。整體黎講，連埋飲品都係大約五十幾蚊，係港島黎講算係抵，仲要晚市與午市同價，如果我住附近都幾肯定會變成晚餐食堂。