小草十八怪石鍋米線 (已結業)

有朋友話你好似好耐無寫米線啦，其實因為都差唔多寫晒了，本身都係得番2篇左右。不過，突然係旺角食左間樓上米線，雖然唔係世一水準，因為唔算係正宗雲南米線，但都幾有驚喜。今次介紹係小草十八怪石鍋米線，佢呢度最出名就係米線唔係用碗上，而係用超熱的石鍋上，另外仲有特別的湯底，今次就試左最受歡迎的香辣金湯同埋極品蟹皇湯。香辣金湯個顏色好靚，好似有南瓜湯加少少辣的感覺，而蟹皇湯有驚喜，飲落去真係好重蟹膏味，但你又唔會覺得好假，所以都值得推介。由於石鍋上會Keep住煮，所以開頭的米線會比較硬同爽彈，如果想食淋啲就等佢煮耐啲。餸料方面就正常發揮，亦都無咩特別款式。不過，飲品方面就好大杯，同埋可以叫埋串燒，都有好多選擇，而且都叫抵食!