影片
更多
2023-06-17
835 瀏覽
經過上次麗江失望的體驗後，要搵間好食的雲南米線令心情開心番先。今次就揀左位於大角咀及太子交界新開的龍川雲南米線。黎到龍川門口就睇得出係小店，大約坐到10-12人左右，而且位置都比較迫，不過唔知係咪早去的關係，唔算等左好耐，而米線等候過程要等大約20-30分鐘到。今次就叫左麻辣中辣，而餸菜就叫左豬軟骨、滷水雞翼同埋呢個出名的炸豬扒。首先試一試湯底，估唔到有驚喜。湯底質感濃厚，撇除味道，飲落去有豚骨拉麵湯底的感覺。要做到呢種效果，之後請教過拉麵店老闆，就必須落雞腳，先可以做出湯底有骨膠原的感覺。麻辣味道都足夠，而且好足料，食每一啖都有會附上芽菜、肉碎或者腐竹。至於主菜方面，豬軟骨炆得夠冧而唔鬆散，要做到咁一定要耐心地用明火炆，因為你靠浸就會令肉質變霉。而滷水雞翼連骨都入晒味，肉質仲保持到爽彈，值得一讚! 反而炸豬扒就相對有點失望，如果佢唔係話招牌，質素其實都唔錯，但始終距離招牌有段距離。整體黎講，龍川雲南米線湯底足料夠味夠辣，仲有特別的厚感，非常滿意。餸菜方面豬軟骨中的軟骨食落去已經好似食緊啫喱咁，雞翼亦炆得入味，所以都可以成為世一米線的候選佳麗之一。不過龍川營運上有點問題，由於本身係小店
黎到龍川門口就睇得出係小店，大約坐到10-12人左右，而且位置都比較迫，不過唔知係咪早去的關係，唔算等左好耐，而米線等候過程要等大約20-30分鐘到。今次就叫左麻辣中辣，而餸菜就叫左豬軟骨、滷水雞翼同埋呢個出名的炸豬扒。
首先試一試湯底，估唔到有驚喜。湯底質感濃厚，撇除味道，飲落去有豚骨拉麵湯底的感覺。要做到呢種效果，之後請教過拉麵店老闆，就必須落雞腳，先可以做出湯底有骨膠原的感覺。麻辣味道都足夠，而且好足料，食每一啖都有會附上芽菜、肉碎或者腐竹。
至於主菜方面，豬軟骨炆得夠冧而唔鬆散，要做到咁一定要耐心地用明火炆，因為你靠浸就會令肉質變霉。而滷水雞翼連骨都入晒味，肉質仲保持到爽彈，值得一讚! 反而炸豬扒就相對有點失望，如果佢唔係話招牌，質素其實都唔錯，但始終距離招牌有段距離。
整體黎講，龍川雲南米線湯底足料夠味夠辣，仲有特別的厚感，非常滿意。餸菜方面豬軟骨中的軟骨食落去已經好似食緊啫喱咁，雞翼亦炆得入味，所以都可以成為世一米線的候選佳麗之一。
不過龍川營運上有點問題，由於本身係小店，當天只係得兩公婆打理，咁一個負責煮，另一個負責樓面，又要執野，又要落單，仲要整野飲，其實都好辛苦。而另一點仲大獲係佢地接唔少外賣單，所以令到負荷加重而見到有時出錯單，而老公就對老婆有微言。之前都講過，黎得小店就預左唔會坐得好舒服，亦願意等待，不過如果因為做生意而令兩公婆關係變差就有點可惜。而家米線餸菜有超過四十款，同埋仲有除米線以外的選擇，例如魚飯、醉雞等，我建議龍川可以縮減菜單，令佢地營運上可以比較輕鬆，而令米線發燒友可以繼續食到高汁雲南米線!
To be continued…
張貼
