影片
更多
2023-06-16
542 瀏覽
天水圍對我黎講真係有點陌生，最有印象就係天水圍Gang Gang，咁今次要去濕地公園，當然要試下米線界出名的麗江雲南米線啦! 麗江雲南米線位於新北江，入到去比想像中大，好似去左迷宮一樣，最後搵左20分鐘先搵到間舖頭位置。舖頭比想像中細間，唔怪之話要排好耐，不過流動都算快，我地都係等左半個鐘就入到去!黎食麗江之前當然做足準備，話一定要叫多麻中辣先食到麗江的精髓，咁我當然聽話咁叫多麻中辣黎試下，餸方面就叫左出名的腩肉、炸醬、蘿白同雞翼試一試。湯麵既然係湯字行頭，當然係最緊要，試飲一啖後真係feel到多麻的感覺，但我覺得都未夠，至少有一間會多麻過佢。另外最大獲係個湯底無乜內涵，明顯唔係好夠味，所以就只係得辣同埋麻，配料又唔算多，另外腐竹又唔無用鮮腐竹，所以係入唔到味，對我黎講係有點Surprise。咁湯底未令我滿意，或者餸菜可以令我喜出望外呢! 首先，蘿白勁細舊，雖然無渣，但個芯又唔夠入味，其實都幾唔合格。之後炸醬因為唔係平時食開的濃醬方式，而係類似炒肉碎的方式，由於肉未必太新鮮，所以食得出有「肉騷味」。至於腩肉同雞翼算係比較合格的水準，不過腩肉我會較石蔭。今次都估唔到同肥仔一樣都有失望的感
黎食麗江之前當然做足準備，話一定要叫多麻中辣先食到麗江的精髓，咁我當然聽話咁叫多麻中辣黎試下，餸方面就叫左出名的腩肉、炸醬、蘿白同雞翼試一試。
湯麵既然係湯字行頭，當然係最緊要，試飲一啖後真係feel到多麻的感覺，但我覺得都未夠，至少有一間會多麻過佢。另外最大獲係個湯底無乜內涵，明顯唔係好夠味，所以就只係得辣同埋麻，配料又唔算多，另外腐竹又唔無用鮮腐竹，所以係入唔到味，對我黎講係有點Surprise。
咁湯底未令我滿意，或者餸菜可以令我喜出望外呢! 首先，蘿白勁細舊，雖然無渣，但個芯又唔夠入味，其實都幾唔合格。之後炸醬因為唔係平時食開的濃醬方式，而係類似炒肉碎的方式，由於肉未必太新鮮，所以食得出有「肉騷味」。至於腩肉同雞翼算係比較合格的水準，不過腩肉我會較石蔭。
今次都估唔到同肥仔一樣都有失望的感覺，不過人生就係咁，下下咁順利你就唔會珍惜，睇黎又要繼續踏上尋找世一米線的旅程!
張貼
