味一番

營業中

休息中

朋友請食飯，帶左我去佢大學時期常去午餐的日本餐廳，原來這餐廳開業廿多年。先叫了一客魚生拼盤，魚生是日本直送，完全有日本的味道，個人好怕在香港吃海膽，但這裏的海膽刺身很鮮，入口溶化，正！其他魚生都有水準！鵝肝多士味道一流，好脆好香！鹽燒牛舌，爽口濃味，配上檸檬汁，唔會太漏！個人最愛燒雞皮串，脆得不得了！朋友至愛嘅炸雞翼，order完一客再一客，雞翼去骨切件，細心，配上味椒鹽，香口，配合啤酒一流！最後order冷稻庭烏冬，完美的總結！