春水堂 (希慎廣場) (已結業)

呢度嘅食物都算跟得好足台灣春水堂嘅口味同埋煮法，咁當然價錢係爭好遠，大約係台灣嘅兩至三倍。個人最鍾意食佢嘅台灣牛肉麵同埋麻辣豆腐。珍珠奶茶當然係必飲，我鍾意佢嘅細粒珍珠，口感彈牙唔太甜，鐵觀音鮮奶茶就係我嘅首選。如果想飲到茶味龍啲就應該要飲熱，凍飲有另外一番風味但係茶味通常會淡少少。另外，珍珠雪糕多士係台灣冇嘅菜式，上次同個朋友兩個人share一碟都幾飽，但係多士有好豐富嘅牛油味，配搭埋茶味雪糕、cream、珍珠，食落真係賞心樂事。