臺坊 (加拿分道) (已結業)

已經成2年冇得去台灣啦。而而家都終於可以放寬返外出晚飯, 更係要出外尋"鄉"啦。今日係尖沙咀搵到lee間臺坊, 見到已比佢台式小店既裝潢吸引入去啦。 入面其實好簡潔，但真係有種台風既味道。 首先更係要追尋下好味既鹽酥雞啦。 喜歡台灣既真係必食。 係香港有整得好食既都好難得。佢好大件，即叫即炸。 咬開好有肉汁, 唔會死實實。 亦唔會成口粉漿。 入口熱辣辣既感覺, 好想放入紙袋袋，會更有風味。再叫左珍珠奶茶同紅燒牛肉麵。 因為跟餐配野飲都幾抵。 真係好地道既野。 雖然珍珠奶茶周街都買得到, 但可以keep到好飲既水準真係唔錯。 佢同其他出名牌子既珍珠奶茶都有得比。 飲落冰溶左後都唔會有水奶分離既感覺, 珍珠都夠Q彈。而牛肉麵真係好大碗，牛肉同蘿蔔大件又入味。 好稔甜。 真係唔可以睇少碗麵呀。佢既野食雖然1板menu睇晒，但勝在夠豐富。