孖寶發哥豬扒酸辣米線

營業中

休息中

之前食過一次孖寶發哥既蕃茄薯仔湯真係覺得好正，酸甜比例啱啱好，蕃茄味又夠濃，薯仔仲要煲到上晒色超入味。不過食第二次，個湯唔知點解清左好多，唔知係咪所有同事一齊叫蕃茄湯，chur 晒佢煲湯加水之過。今日單拖黎食，比第三次機會佢。叫左手撕雞蕃茄湯烏冬（$37), 手撕雞份量唔算多，不過幾入味無雪味就唔錯。幾鍾意佢配料夠多，大量花生，蔥同埋芫茜都幾香。不過今次個蕃茄湯唔知點解勁甜。。甜到好唔蕃茄，真心好失望，最初食果個味道搵唔番，點解！不過烏冬幾入味既，薯仔都好食，只係搵唔番我愛既感覺。