Angelina Paris (已結業)

久聞法國朱古力名店Angelina進駐香港，但同時間被開飯食評嚇怕，聞說Angelina最出名的朱古力甜到漏，而遲遲未有來朝聖。和好友剛好來到中環閒逛，出於好奇，想望一望Angelina有何吸引之處。本身已經知呢間舖位於IFC，check到三樓之後就和好友一起尋覓，後來先知原來響landcrawford入面，又響landcrawford入面迷宮一樣走來走去，最後先搵到間舖，見到門口無人排隊，本來無諗住試，有點猶豫，因為我和好友本身好怕甜到漏的，但搵左咁耐，又無人排隊，就一於試下啦。坐低之後，店員就親切咁同我地講，怕甜想挑戰就叫一杯熱朱古力兩個人share，再配其他野食。我和好友叫左熱朱古力，水果丹麥酥，檸檬撻share。店裡面的裝修好歐陸feel，仲可以遠眺尖沙咀，環境氣氛相當好。題外話：雖然理解法國口味偏甜，但係我自己個人口味喜歡帶點苦澀的朱古力，到目前為止，我自己飲過最好味，而又較合我口味的朱古力，係black n white 的消失的朱古力。