CAFÉ LANDMARK

營業中

休息中

喺呢個世界未興hightea嘅年代，名店林立嘅Landmark入面呢間cafe已經係名人富人坐低嘆茶嘅熱點。今日過嚟中環食晚飯，就嚟Landmark Cafe感受吓阿太、名人當年see and be seen嘅氣氛。先嚟個西班牙黑毛豬火腿配哈密瓜，火腿幾軟滑，但哈密瓜就有啲令人失望喇～唔夠甜同埋太爽口，好似街市買嗰啲貢瓜。無個瓜仲好食！去主菜喇，見現場80%嘅人都有叫波士頓龍蝦天使麵，應該有保證卦。餐廳仲好貼心咁可以幫你開埋隻龍蝦，咁就算唔係阿太都可以保持優雅咁啖啖肉喇！跟住再嚟招牌脆皮燒雞，皮脆肉嫰。加埋個松露gravy。真係唔錯呢，招牌得有道理！最後最後，梗係要食埋甜品先夠完滿。tiramisu餅底唔錯，濃濃嘅Kahlúa味，無呃秤！雖然話啲嘢食只係中規中矩，但坐得舒服又就腳，係唔錯嘅。