影片
更多
2018-08-08
64 瀏覽
「女人街」呢個地方，細細個既時候，成日都會到訪。可能係過黎搵野食，可能係過黎行街買平野，或者，可能只係想搵個地方漫無目的走一走。年紀大了，世界變得複雜，錢搵多佐，選擇多佐，要求亦都會變得高佐。多了無奈，多了批評，多了解釋，多了麻煩。但有時候，驀然回首，諗番轉頭，其實好多時都係自己想得太多，想得太遠，將事情簡單複雜化佐，其實，自己其實都只係宇宙間的一粒灰，一粒塵，所經歷既，更是塵都不如。這日決定回來女人街，從複雜的世界中，尋找簡單的味道。最後來到豐味，停下了我的腳步。車仔麵，夠哂簡單，夠哂直接，就呢間啦！門外看似好細，入內原來也頗大，兩款座位設計，4人長枱，或者單人面壁，各適其適。個人其實真係好鍾意面壁既設計。讓一個人食飯的兄弟，好像找到自己的安樂窩。可以靜靜地享受專屬於自己的早/午/晚餐;可以沉醉於自己的世界，或許你會按一下手機，玩下遊戲，看下新聞，而不用和對面的陌生人你眼望我眼，更不用被迫聽著旁邊那人的三姑六婆小報告。餐牌上的車仔麵款式基本有3款:港式車仔麵可配各式餸料和粉麵，重慶酸辣粉會配正宗酸辣透明粉，而食得辣既應該會點四川麻辣燙。餐廳標榜「正宗」二字，唔知點解，我望到佢地既裝修
可能係過黎搵野食，可能係過黎行街買平野，或者，可能只係想搵個地方漫無目的走一走。
年紀大了，世界變得複雜，錢搵多佐，選擇多佐，要求亦都會變得高佐。
多了無奈，多了批評，多了解釋，多了麻煩。
但有時候，驀然回首，諗番轉頭，其實好多時都係自己想得太多，想得太遠，將事情簡單複雜化佐，其實，自己其實都只係宇宙間的一粒灰，一粒塵，所經歷既，更是塵都不如。
這日決定回來女人街，從複雜的世界中，尋找簡單的味道。
最後來到豐味，停下了我的腳步。
車仔麵，夠哂簡單，夠哂直接，就呢間啦！
門外看似好細，入內原來也頗大，兩款座位設計，4人長枱，或者單人面壁，各適其適。
個人其實真係好鍾意面壁既設計。
讓一個人食飯的兄弟，好像找到自己的安樂窩。
可以靜靜地享受專屬於自己的早/午/晚餐;
可以沉醉於自己的世界，或許你會按一下手機，玩下遊戲，看下新聞，而不用和對面的陌生人你眼望我眼，更不用被迫聽著旁邊那人的三姑六婆小報告。
餐牌上的車仔麵款式基本有3款:
港式車仔麵可配各式餸料和粉麵，
重慶酸辣粉會配正宗酸辣透明粉，
而食得辣既應該會點四川麻辣燙。
餐廳標榜「正宗」二字，唔知點解，我望到佢地既裝修，我就信佐，可能因為餐廳沒有花巧的為店舖粉裝，而那原汁原味的「設計」，讓我感覺到那陣四川，或重慶的氣式？
飲品 (豆漿，凍奶茶) (下午茶時間免費)
點餐完畢，先來的是飲品，一杯豆漿，一杯港式凍奶茶，豆漿豆味都幾濃，有漿力漿口感而又唔會太甜，合格; 奶茶既茶味算濃，少冰少甜佢亦比到我，算是合格。
正宗重慶酸辣粉 $33 + 每款餸料加 $7
講到係正宗咁厲害，緊係要一試。
餸料加佐春卷，魷魚，同埋雞中翼，本身$33既價錢係配一餸既，我再加多兩個餸即係 $47。
春卷有兩條，肉質夠挺，個皮唔會太淋身，不錯;
魷魚同埋雞中翼都係水準之作，無得挑剔。
辣度我揀佐 BB 辣，剛好係接受到既辣度，酸同埋辣既中和度做得好好，唔會比酸蓋過辣，而辣中亦都食到佢既酸味，加上少少既甜口感，很不錯啊。
酸辣粉夠滑溜，食落有Q彈口感，同個湯底非常合配，加上湯底配料既榨菜，芫茜，花生，食落夠過癮。
港式車仔麵 $42 (三餸一麵)
前言提到，今日我既主打係想簡單，所以另外一款就揀佐簡單既車仔麵。
車仔麵看似簡單，但係其實個湯底都幾重要，最少，我唔希望食到一個清水湯底，或者一個同我喺屋佐自己煮無分別既雞精湯底，咁我已經心滿意足啦。
佢既湯底有多款選擇: 豬骨湯底，腩汁，秘製辣醬，BB辣，小辣，中辣，大辣。
看見這幾個選擇，直覺上話我知我係要揀秘製辣醬既，亦都淨係要剔秘製辣醬，但係當我交張餐單俾店員先知，原來我係可以剔幾款既。
秘製辣醬，係我既選擇; 小辣，係我想食既辣度; 豬骨湯底，係店員姐姐介紹既，最後我張單就剔佐呢3項。
麵底，我選了粗麵，因為喜歡粗麵的麵夠闊，可以掛湯汁。
值得一提既係，呢度既餸料係用上劃一價錢，即係無論你係揀牛腩，定係揀魚蛋，價錢都係一隸既！
本著唔好蝕宗旨做人既我，最後就揀佐牛腩，魚皮餃，同埋魚片頭。
佢個湯底比我想像的濃，辣度足，而傳說中既秘製辣醬就係放在湯匙上既。
牛腩份量都幾多，魚皮餃唔會容易散，魚片頭都幾大塊，全部都合格。
麵底亦都不少，食完個麵都真係已經飽哂，好彩今次無點小食，唯有下次再嘗。
香港既拉麵店，丼飯店開得越黎越多，有時食多佐，原來都真係會掛住那份原始的味蕾，原始的口感的。
而呢間地道廾仔麵就絕對滿足到我呢份原始的期盼，特別係呢個原始既價錢，加上下午茶又享有免費既餐飲，絕對可以吸引到我成份佢地既回頭客！
張貼
