聰少甜品 (已結業)

喺一個清涼嘅晚上, 三位青年人走進鬧市, 尋覓佢哋心目中既一點甜, 點知墮入一個迷惘當中...當佢哋親眼目睹員工對食物嘅粗暴, 服務態度惡劣, 加上對客人黑面, 無禮貌, 倒瀉糖水, 兼且將糖水放置客人對面, 三位青年人深感無奈。但係令到三位最驚嘆嘅一件事莫過於呢間小店嘅大創意。 潮流興自製八爪魚丸, 呢間小店就玩自製椰汁芒果西米露, 事關兩碗椰汁芒果西米露只有一碗係有芒果, 要三位自行將其中一碗嘅芒果轉移至另外一碗。就喺呢個清涼嘅晚上, 三位對人生有所頓悟, 明白到好嘅服務態度, 以及優質嘅食物質素, 都係無常。