影片
更多
2011-01-24
22 瀏覽
23-1-2011久聞「老趙」大名, 雖然只去過一次白加士街的分店 (http://www.openrice.com/restaurant/commentdetail.htm?commentid=1960011) 印象又麻麻哋, 但睇了 small jj 及惡男的食評, 對灣仔呢間「分店」幾有興趣, 是日 dinner 捉了朋友陪我試試. 叫了一人一湯粉, 再 share 兩款小食及一款沙律, 整體唔太 impressed:-先嚟一人一小碟魚露: 集酸, 甜, 鹹及少少辣於一身, 夠香夠惹味, 比 Le Soleil 的 (http://www.openrice.com/restaurant/commentdetail.htm?commentid=2116282) 稍遜, 但比附近「火車頭」的 (http://www.openrice.com/restaurant/commentdetail.htm?commentid=2129245) 更好, 幾喜歡. 小食 #1 蟹肉焗蛋金磚: 老趙「名物」, 當然要試試吧? 食落係無乜味, 質地似足「雞蛋焗魚腸」, 腍腍的又帶點「粉口」,
23-1-2011久聞「老趙」大名, 雖然只去過一次白加士街的分店 (http://www.openrice.com/restaurant/commentdetail.htm?commentid=1960011) 印象又麻麻哋, 但睇了 small jj 及惡男的食評, 對灣仔呢間「分店」幾有興趣, 是日 dinner 捉了朋友陪我試試. 叫了一人一湯粉, 再 share 兩款小食及一款沙律, 整體唔太 impressed:-
先嚟一人一小碟魚露: 集酸, 甜, 鹹及少少辣於一身, 夠香夠惹味, 比 Le Soleil 的 (http://www.openrice.com/restaurant/commentdetail.htm?commentid=2116282) 稍遜, 但比附近「火車頭」的 (http://www.openrice.com/restaurant/commentdetail.htm?commentid=2129245) 更好, 幾喜歡.
小食 #1 蟹肉焗蛋金磚: 老趙「名物」, 當然要試試吧? 食落係無乜味, 質地似足「雞蛋焗魚腸」, 腍腍的又帶點「粉口」, 睇得見的餡料就只有香葉及炸蒜粒, 唔知蟹肉逃跑咗去邊呢? 而既然無乜味, 就蘸點魚露同吃吧.
朋友的主食叫了特別牛肉粉: 即係火車頭啦 生牛肉分開上, 另外仲有一小鍋「堂滾」的清湯, 鍾意 "shabu-shabu" 又得, 滾到咁上下倒埋入湯河內亦得, 幾好玩. 試了少少碗粉的湯底, 味道清清的, 無 MSG 痕跡, 作為「牛清湯」都 ok, 不過就唔多似 pho 湯底; 而 "shabu" 完後倒入「堂滾」的湯再試, 牛味就濃厚得多, 不過比起「火車頭」的牛湯底, 就梗係差好多條街啦.
檬要: 湯底紅 bok bok 的, 飲落蟹味及蕃茄味都有少少, 仲有微微的辣味, 不過味道單調咗 d, 幾似「疑似芽莊」的同類出品 (http://www.openrice.com/restaurant/commentdetail.htm?commentid=2057195), 唔算喜歡; 配料以混了蟹膏的肉碎為主, 仲有兩件蟹肉焗蛋金磚 , 不過作用不大; 原個蕃茄反而幾好食, 好甜好好肉 呢碗 non-牛 湯粉 仍然係火車頭較啱口味, 不過都可以一試的.
沙律係牙車快: 有椰菜, 紅椰菜, 洋蔥, 雞絲, 花生, 紅蘿蔔 etc, 夠乾身, 不過略嫌太硬又太粗, 而且完全無醬汁, 唯有自行落魚露拌勻. 唔知地道的牙車快是否如此? 不過比起上次係 Le Soleil 食的, 呢個就當然差好多條街啦.
香茅雞中翼: 炸到脹卜卜, 唔油膩, 醃得入味, 食落香茅味好勁, 雞肉亦嫩滑多汁, 正 下面仲有大量炸米粉, 試了一兩條係無味, 不過幾脆口的.
食物 ok, 環境就新淨企理, 不過既然係新店, 唔新淨就大件事了.
埋單每人約 $165, 可以一試.
張貼
