影片
更多
2018-07-11
179 瀏覽
九龍城泰國菜嘅餐廳真係好多，又大都都好好味嘅，但呢晚特別想食越南菜，上openrice搵下就搵到呢間，食評好似又唔錯，價錢又好似唔貴。好彩七點幾到，唔太多人 (食食下八點後就開始多人)。呢度有二人餐，望落都抵食，有沙律、小食、粉麵、飲品同甜品，但我吔想試啲更想食嘅野，都係散叫好啲。食越南菜，其實係主要為咗食生牛肉湯河，呢度嘅水準都唔錯，河粉同牛肉嘅份量都唔少，仲有好多芽菜。本身個湯底都已經好夠味，所以都唔洗再加薄荷葉同青檸，加了一點魚露汁就已經好正，以五十幾蚊嚟講都真係算唔錯。另一特別想食就係木瓜沙律，本來諗住叫二人餐，都有木瓜沙律，但睇清楚啲原來散叫嘅係"木瓜雞絲蝦沙律"，套餐嘅係木瓜雞絲沙律 (冇蝦)，所以都係散叫嘅有雞絲同蝦嘅吸引啲。木瓜夠爽口，份量都唔少，蝦就唔算好新鮮，而個沙律汁好似唔係好夠fresh，好似平時食嘅好味啲。叫個炒菜啦，馬拉盞最惹味，要咩菜就要問店員，呢晚就有通菜、椰菜苗等，我吔揀咗通菜，用細鑊仔載住，好似好有鑊氣咁，但食落就有點失望喇，平時好鐘意嚟食九龍城泰國菜館嘅炒菜，因為都好有鑊氣，住家飯難啲做到。可惜今次就食唔到呢個水準，仲相對比較油膩。另外就仲叫咗個小
呢度有二人餐，望落都抵食，有沙律、小食、粉麵、飲品同甜品，但我吔想試啲更想食嘅野，都係散叫好啲。
食越南菜，其實係主要為咗食生牛肉湯河，呢度嘅水準都唔錯，河粉同牛肉嘅份量都唔少，仲有好多芽菜。本身個湯底都已經好夠味，所以都唔洗再加薄荷葉同青檸，加了一點魚露汁就已經好正，以五十幾蚊嚟講都真係算唔錯。
生牛肉河
16 瀏覽
0 讚好
0 留言
另一特別想食就係木瓜沙律，本來諗住叫二人餐，都有木瓜沙律，但睇清楚啲原來散叫嘅係"木瓜雞絲蝦沙律"，套餐嘅係木瓜雞絲沙律 (冇蝦)，所以都係散叫嘅有雞絲同蝦嘅吸引啲。木瓜夠爽口，份量都唔少，蝦就唔算好新鮮，而個沙律汁好似唔係好夠fresh，好似平時食嘅好味啲。
木瓜雞絲蝦沙律
8 瀏覽
0 讚好
0 留言
叫個炒菜啦，馬拉盞最惹味，要咩菜就要問店員，呢晚就有通菜、椰菜苗等，我吔揀咗通菜，用細鑊仔載住，好似好有鑊氣咁，但食落就有點失望喇，平時好鐘意嚟食九龍城泰國菜館嘅炒菜，因為都好有鑊氣，住家飯難啲做到。可惜今次就食唔到呢個水準，仲相對比較油膩。
馬拉盞通菜
12 瀏覽
0 讚好
0 留言
另外就仲叫咗個小食拼盤，餐牌上冇寫有咩小食，以為會有炸蝦餅，點知係沙嗲雞串、札肉、春卷、椰菜雞絲沙律。四款裏面最好味係沙嗲雞串，雞肉好夠淋又唔會好乾，沙嗲又好入味，唔洗另外再加沙嗲醬。
小食拼盤
20 瀏覽
0 讚好
0 留言
啲冷氣都幾凍下，雖然有電視睇，都唔坐得好耐。
張貼
