影片
更多
2019-01-23
2750 瀏覽
尋找那些年嘅足跡 《小時光》上個禮拜朋友帶路去觀塘夾公仔，原來依家已經進化到連iPhone，note9 都有得夾！最後就梗係係咩都夾唔到啦！但朋友之後帶我去食嘅呢間餐廳，就認真唔錯！餐廳喺一楝舊式嘅工業大廈嘅一樓，如果唔係朋友帶路，其實都幾難搵！雖然位置唔算就腳，但一入到去見到餐廳已經八成爆，就已經知道有信心保證！餐廳老闆我估計係台灣人，裝修同擺設方面好有心機，好有80，90年代嘅味道。座位擺成好似班房一樣，枱櫈都係我哋小學用嗰一種，真係好有《那些年》嘅感覺！餐廳除咗裝修有特色同多打卡點之外，食物味道都好有水準！我哋叫咗一個台式滷肉便當，蕃茄牛肉麵同煎蛋餅，全部都好好食，真係好似去咗台灣咁。特別係台式滷肉便當，$58 已經有前菜，大大碗嘅滷肉飯，同一個雜錦拼盤！非常經濟抵食。另外全晚最特別嘅，我認為係黑糖奶茶，佢同出面坊間賣緊嗰啲完全唔一樣，佢奶茶係會另外擺起一隻量杯度，而細杯就會裝住啫喱狀嘅黑糖同埋冰粒，俾你可以慢慢咁加落去。初頭以為普通啫喱粒，味道唔會好出, 點知原來黑糖味勁香濃！誠意推介！！小時光呢間餐廳真係比我地呢班80後可以喺度勾返起唔少回憶，重點係嘢食好味之餘，價錢又夠親民
上個禮拜朋友帶路去觀塘夾公仔，原來依家已經進化到連iPhone，note9 都有得夾！最後就梗係係咩都夾唔到啦！但朋友之後帶我去食嘅呢間餐廳，就認真唔錯！
餐廳喺一楝舊式嘅工業大廈嘅一樓，如果唔係朋友帶路，其實都幾難搵！雖然位置唔算就腳，但一入到去見到餐廳已經八成爆，就已經知道有信心保證！餐廳老闆我估計係台灣人，裝修同擺設方面好有心機，好有80，90年代嘅味道。座位擺成好似班房一樣，枱櫈都係我哋小學用嗰一種，真係好有《那些年》嘅感覺！
餐廳除咗裝修有特色同多打卡點之外，食物味道都好有水準！我哋叫咗一個台式滷肉便當，蕃茄牛肉麵同煎蛋餅，全部都好好食，真係好似去咗台灣咁。特別係台式滷肉便當，$58 已經有前菜，大大碗嘅滷肉飯，同一個雜錦拼盤！非常經濟抵食。
另外全晚最特別嘅，我認為係黑糖奶茶，佢同出面坊間賣緊嗰啲完全唔一樣，佢奶茶係會另外擺起一隻量杯度，而細杯就會裝住啫喱狀嘅黑糖同埋冰粒，俾你可以慢慢咁加落去。初頭以為普通啫喱粒，味道唔會好出, 點知原來黑糖味勁香濃！誠意推介！！
小時光呢間餐廳真係比我地呢班80後可以喺度勾返起唔少回憶，重點係嘢食好味之餘，價錢又夠親民，一定會推薦比其他朋友過嚟試吓！
$100
89 瀏覽
0 讚好
0 留言
張貼
