隠家拉麵工場 (已結業)

終於0黎左食啦,香港其中一間最早以沾麵為主打0既拉麵鋪,好似話豚王班人開的.開左咁耐依然咁多人排隊,鋪面相當有特色要坐汽水箱,不過其實都幾唔舒服.講返碗麵,叫左白伝,由於坐BAR枱關係,師傅煮麵過程盡收眼底,盛麵湯碗會用熱水預先浸熱,避免影響麵既溫度,相當貼心同專業!飛水做足,碗底無多餘水份,不過麵是暖的(不過香港大部份沾麵都係暖麵而非凍麵),麵分量適中,有一整隻半熟蛋及4塊叉燒其餘都係基本配料,整體配料一般水準,未能令人留下深刻印象!湯底未算濃厚,未到極熱而且略帶酸,唔係好食到豚骨味,本來以為白伝會係乳白色,食食下先見到咁啡色0既,應該叫啡伝吧, 哈哈~一間中上水準0既拉麵~