影片
更多
2019-05-13
151 瀏覽
自從上年的高雄之旅食完某間麻辣火鍋的鴨血後, 不論係朋友定自己都對此念念不忘❤ 剛好朋友看到美食推介, 又適逢係小妹的牛一, 於是就拉大隊一齊去試一試呢間麻神麻辣火鍋的虛實了~一上到去, 大夥兒都不禁打左個冷震~ 感覺冷氣好凍啊 不過下單後很快送上的火鍋及食材就完美地解決了這個問題我們點的係麻神麻辣老饕鍋底 ($238) 店員特別推薦我們飲啖湯, 然後再火鍋。飲落去, 濃厚的藥材味,老實講... 麻..就唔係好覺有幾麻, 有少少咁辣味...都有~不過係滾耐左之後更濃會更辣但又唔係話唔好食wor! 在我的角度黎講, 我覺得味道係ok既, 唔會麻辣到個嘴過左幾分鐘都仲係麻痺狀態 食材係火鍋滾好直接入口就夠味, 都唔需要再點其他野.只能說, 個湯底對唔太食得辣既人友善 但對辣度有追求/食開中辣或以上既人黎講就可能會失望了.. 或者可以在醬料內再加點辣椒油吧?(我沒試那邊的辣椒油係點, 所以不評論了)講完個湯底, 當然要講返今次黎食呢間的主角--鴨血鴨血係好食, 質感很好, 唔會一叉落去就散 可以順著佢的紋理分開一塊塊薄片然後滑溜溜的吸入口 跟宣傳介紹一樣的, 猶如果凍般
不論係朋友定自己都對此念念不忘❤
剛好朋友看到美食推介, 又適逢係小妹的牛一,
於是就拉大隊一齊去試一試呢間麻神麻辣火鍋的虛實了~
一上到去, 大夥兒都不禁打左個冷震~
感覺冷氣好凍啊
不過下單後很快送上的火鍋及食材就完美地解決了這個問題
我們點的係麻神麻辣老饕鍋底 ($238)店員特別推薦我們飲啖湯, 然後再火鍋。
飲落去, 濃厚的藥材味,
老實講... 麻..就唔係好覺有幾麻, 有少少咁
辣味...都有~不過係滾耐左之後更濃會更辣
但又唔係話唔好食wor!
在我的角度黎講, 我覺得味道係ok既, 唔會麻辣到個嘴過左幾分鐘都仲係麻痺狀態
食材係火鍋滾好直接入口就夠味, 都唔需要再點其他野.
只能說, 個湯底對唔太食得辣既人友善
但對辣度有追求/食開中辣或以上既人黎講就可能會失望了..
或者可以在醬料內再加點辣椒油吧?(我沒試那邊的辣椒油係點, 所以不評論了)
講完個湯底, 當然要講返今次黎食呢間的主角--鴨血鴨血係好食, 質感很好, 唔會一叉落去就散
可以順著佢的紋理分開一塊塊薄片然後滑溜溜的吸入口
跟宣傳介紹一樣的, 猶如果凍般的口感
建議放耐啲等佢更入味時再食,
反正鴨血的質地比較Q彈, 唔易散開, 重點係.....
咁先吸收到啲湯底精華吖嘛!
只係令我有點失望的係, 呢度的鴨血, 一鍋...係得兩舊...
(我地一行人..7個人, 叫左2個鍋..共得4舊鴨血)
而且冇得refill...(之前去台灣果間有得Refill ga..)
再追加一份鴨血盛惠$88-(印象中好似有4舊...)
(好吧... 我只想說鴨血很好吃...但份量太少了)
美國豬肩胛肉 薄薄的一片, 灼一灼熟, 帶點麻辣湯汁放入口慢慢咀嚼, 不用加蒜加豉油都夠好食
手砌特選牛頸脊 $328呢個好食到我地一班人事後再encore叫多碟
肉質鮮嫩, 如果平時食開半生熟既牛肉的, 可以夾一塊, 放入火鍋灼幾下就放入口食
當然都可以再熟d先食la~
肉片一啲都唔韌, 必吃推介之一
黑毛肚 $78黑毛肚唔好灼咁耐, 兩三下就夾上黎食就好, 如果唔係就好似咬冇味既橡筋咁☺
新鮮元蹄根 $68 必吃推介之二~
豬肉味濃又軟綿綿, 配埋湯底的味道剛剛好
如果鍾意食肥肉既...真係唔好走寶啊!
手打蟹子墨魚滑 $88
有機秋葵 $48
綜合菇盤 $58 
翠綠時蔬拼盤 $68
台灣手工麵 $38呢個特別講一講...
麵條Q彈有嚼勁
極上冷凍烏龍麵 $38
題外話/補充資料：
嗯....大致上係咁多, 由於唔係任食,
所以銀包的厚度有一定程度地影響左胃袋的容量大小
食材確係靚料既~服務都還好,
會主動問你需唔需要加湯/當湯的濃度去到一定程度會建議加清湯
只係講滿足度既話...
可能就真係唔太適合一班胃袋容量有一定大小的為食之人la~
我都係鍾意食到飽到要抱住肚dum咁
難得一班人一齊聚埋食飯嘛!
(以上食評乃用戶個人意見 , 並不代表OpenRice之觀點。)
張貼
