Coti the Bistro (五芳街)

營業中

休息中

初次到新蒲崗覓食，唔知有咩選擇當就上OpenRice黎睇下有咩岩食啦睇到呢間Coti the Bistro食評咁好就決定係佢啦星期二中午2點多黎到，點左兩個weekend menu set慢煮64度溫泉蛋卡邦尼意粉🍝如果傳統意大利做法應該煮意粉時快手加入蛋漿，沾滿每條意粉呢度則係已經煮好醬汁再加隻溫泉蛋，拌勻再食，醬汁應該已加入忌廉煮好，所以意粉能夠充足掛汁幼滑，意粉口感唔錯但醬汁味道唔算突出。煎慢煮西冷份量充足，有牛香味、肉質亦唔錯，但就根比較多，較難切餐湯就比較普通，質地太稀，味道亦唔突出環境空間感夠、有足夠枱量，當日中午2點幾入座，有兩三枱客人。總結：睇食評太好，寄望高左，當日食物質素唔算好驚喜，但以價錢黎講，性價比還是不錯的。