Cook King Cooking (已結業)

去紅磡搵朋友食飯再去黃埔行Aeon~朋友帶路去佢屋企附近食,Cook King Cooking 個名易記又有意思,離遠已見到碧藍色既搶眼招牌,門口放左張高檯好想坐呀～～不過食Lunch都系坐入面,原來入面都有高檯架,落地大玻璃望哂出面環境,仲正喇,不過今日有食客坐左lu~我地兩個坐四人位一樣舒適有15款精選套餐,真系要望一陣先諗到食咩,好多選擇呀!!仲有餐湯同多款飲品～是日餐湯～南瓜蓉忌廉湯,用耳柄杯盛上方便飲,足料南瓜蓉湯暖下胃先～跟餐凍飲加$2 檸檬茶,蜂蜜青檸,味道夠,甜度剛好,調得好飲~吉列雜錦配日式咖哩飯$78,吉列蠔,蠔味鮮又Juicy,蝦餅好多蝦肉,南瓜餅又系超足料好多餡～全部好鬆脆～～咖哩汁入面仲有薯仔架，食到勁飽！香煎龍脷柳配意式肉醬飯/意粉$68,酸味味既肉醬特別開胃～淋上煎過既薄身但超大塊魚柳是好好既配搭,仲有健康沙律菜伴碟～