何洪記 (已結業)

原本以為可以過一個long weekend...點知呢個星期六竟然要補課!!!仲要撞正係teatime 時間...於是就索性同親愛的去食埋個lunch先返學。是日o既目的地就係成年無o黎過o既何洪記。一點前到﹐入到去已經見到坐滿晒。以為一定要等位﹐點知有個夥計叫我o地上樓上。o黎過何洪記o甘多次﹐而家先知原來何紅記有兩層...認真大鄉里。我o地叫o左牛肉粥同白粥。原本想叫乾炒牛河﹐不過對兩個女仔o黎講實在太大碟...所以唯有放棄。落單唔夠五分鐘就有得食﹐o岩晒我o地兩隻無食早餐o既餓鬼。哈哈最特別o既係碗粥上面有o的瑤柱絲﹐唔似平時要o係碗粥入面先見到o的煮到淋晒o既瑤柱絲﹐可以o交o交o下﹐都幾好味。至於碗粥本身雖然好夠綿﹐不過味道唔太突出。距離而家高居榜首o既生記仲有一大截距離...哈哈至於﹔親愛的o既牛肉粥﹐佢話當自己收o左份功課woh...不過見o的人o甘快手﹐又算有禮貌﹐所以都俾個笑啦。以下題外話:-食食o下﹐有對老夫婦搭檯﹐叫o左兩碗粥同埋一隻裹蒸粽。個伯伯問個婆婆要唔要叫碟菜﹐個婆婆話:"你唔係話o的菜仲老過你咩?"個夥計姐姐聽到﹐即刻笑住話:"咩呀...o的菜仲後生過我