銀座藏人 (已結業)

入到去, 感覺良好, 8點幾, 仍有空位, 唔洗等就入得, 仲要係卡位, 環境黑黑地唔太嘈適合情侶傾計, 原本想散叫, 老公話d餐好似唔錯, 好啦, 就餐啦老公叫佐牛柳件雜菌紅酒汁, 有湯, 沙律, 餐飲, 甜品我叫佐雜錦魚生飯, 有湯, 沙律, 炸物, 餐飲, 甜品散叫加多個吉列炸生蠔落完order唔夠2分鐘, 就上佐個雜錦魚生飯, 嘩, 即切都冇咁快啦, 一早整定架, 但湯, 沙律, 前菜未黎喎老公話魚生個d野唔放得耐, 食佐先啦, 知點沙律馬上黎佐, 咁點算呢, 食咩先呢, 咬佐兩口沙律, 湯黎佐, 咁點算, 食咩先好呢, 炸物馬上又黎佐, 唔到5分鐘, 兩個餐同吉列蠔, 全部到晒, 成檯面都係野食, 嘩.......我食野出名慢, 因為唔想個飯放太耐, 我湯同沙律食到一半, 炸物未食過, 決定食完魚生飯先返轉頭去食其他野, 但內心就非常不滿, 原本呢度都唔錯, 雖然d食物只係soso, 但坐得舒服情調又好加茶又快, 點解上菜既次序可以錯成咁, 又冇人等位, 我快d食晒走你都係冇客架啦講番d野食, 湯, 酸佐少少, 沙律, ok啦, 炸物, ok啦, 散叫既吉列蠔, 只有4小粒,