Pranzo (已結業)

同朋友貪平，用六折app價錢食咗一餐每人＄147嘅晚餐。一份＄298嘅牛扒，一份＄128嘅Parma rocket沙律，一份＄198嘅白酒blue mussel。沙律份量得小，白色薄薄嘅火腿，淡得嚟係冇平時Parma 咸香嘅味道，雖然份量少，加咗醋都尚算可以。個青口嚟到嘅時候空氣瀰漫着一股燒燶豉油味，一食落口完全係中式豉油味仲要係超鹹，莫期望有白酒。再食多一粒感覺依然係咸咸咸，所以只好退貨，真係食唔到。最後嘅牛扒主角出場，睇個樣係冇問題，啲薯條都尚算內軟外脆，點不知試第一啖牛就出事，本來呢間餐廳只值5分，現在即刻打到落0分。呢種肉味好難形容，我個朋友可能鼻塞食唔出，但係本人對肉嘅質素都算有要求，佢唔係用梳打粉拿到軟林林嗰一種，佢係有一種反覆多次雪藏同解凍嘅雪味，再加類似喺室溫放左好耐開始進行腐爛嘅味道。冇他，折頭換走咗質素，我無語。