品川日本料理 (已結業)

放題就食得多但係對住海景食放題就真係第一次，今日放假係荃灣海之戀商場試咗一間叫「品川日本料理」既日式放題. 疫情緩和後第一次出嚟食放題所以都有所期待呀！入到餐廳環境好開揚相比起其他日式放題店，空間感比較大而且枱與枱之間不會過分擠迫👍🏻 餐廳整體格局睇落整齊企理而且都非常乾淨衛生👍🏻 放假兩個人對住個海景欣賞住藍巴勒海峽同汀九橋既美景再慢慢品嚐放題嘅美食真係顯得特別寫意😝放題係用QR code掃描下單都非常方便，餐廳選擇品種都算幾多！ 一開波當然係要叫啲刺身嚟試下啦！餐廳上菜速度都非常快好有效率呀👍🏻 刺身有三文魚、油金魚、鱆紅魚、北寄貝、帶子、甜蝦、虎蝦、鮑魚片等等！刺身種類都算多而且好新鮮，沒有雪味👍🏻 而我最鍾意就係食佢哋嘅油甘魚呀，肉質鮮甜，肥味有魚油香，食完再叫多左一輪刺身慢慢嘆😋平時去食放題我好少叫壽司，但我見到都好多客人叫所以都叫咗幾款鍾意食嘅試，都不錯！燒物方面叫咗雞軟骨、牛舌、京燒比目魚、鹽燒海蝦、芝士燒扇貝等等！我最鐘意京燒比目魚燒得好好食，即叫即燒，魚油香有奶香味，正！食完仲叫多兩塊食燒牛舌都好好食，口感好，唔會overcook! 燒海蝦都好新鮮，肉質彈牙鮮甜👍🏻