Nara Thai Cuisine (港威商場)

營業中

休息中

蝦片($15)，係餐前小食，蝦片加入左黑椒帶少少微辣，味道唔錯，而且好脆口，食唔停口食完一片又一片。香脆蝦餅($58)，共三件，這價錢合理，蝦餅係一整個圓形，有別於坊間切開半圓形，口感方面蝦餅外層炸得酥脆，蝦肉新鮮彈牙，醬汁係店家自家調製味道帶甜。花膠海鮮冬蔭功($228)，這菜式無論食材或配料都用料好足，配料方面用左泰國多種香料去熬製，聞落已經好香，辣辣地好香口，而且有個爐不斷煮keep住溫度，食材方面有花膠、大蝦、青口、魚塊、魷魚、帶子，大大片花膠充滿骨膠原好爽口，吸埋冬蔭功既味道更惹味。黃咖喱軟殼蟹($198)，鐘意食軟殼蟹既好處就係可以成隻連殼食，配咖喱永遠都係絕配，好入味，這咖喱汁係店鋪用左乾咖喱調製，唔辣的怕辣既人都唔使驚。印度薄餅($35)，有咖喱汁當然唔少得配埋薄餅，伴汁一齊食先夠正，一定要趁熱食口感先至會軟熟，涼左就慢慢會變硬。