影片
更多
2020-06-17
195 瀏覽
作為一名健身教練, 好中意獲氣小炒而家大排檔近乎絕跡, 間唔中想食下小菜嗌餸食飯, 黎黎去去都個一兩間, 今次上完堂學生帶我試間新野, 就係旺角姐, 時常經過但從來冇留意到佢, 就係路邊既一間小菜館, 環境就係舊式菜館既感覺, 再加上個種麻甩FEEL, 睇黎都係嗌餸食飯既好地方。油鹽水浸花蛤 $168主角花蛤好新鮮, 隻隻都鮮甜冇沙, 而且份量多冇欺場, 油鹽水有花蛤既鮮味, 仲加左芹菜同黑胡椒, 粉絲索左湯汁, 好味~薑蔥焗桶蠔煲 $168最中意依D上枱仲係渣渣聲既砂鍋煲, 好有FEEL, 桶蠔都有成五六隻, 大量薑蔥配料炒埋勁香, 送飯一流!豉油王炒虎皮椒 $78有獲氣! 豉油好香, 依度個虎皮椒切法唔同D, 唔會開邊, 而係切半, 切頭切尾, 所以中間位既籽仍然保留係入面, 食既時候會更加香辣, 對於中意辣既我就食唔停口, 如果你怕辣既可能就會刺激左D啦
而家大排檔近乎絕跡, 間唔中想食下小菜嗌餸食飯, 黎黎去去都個一兩間, 今次上完堂學生帶我試間新野, 就係旺角姐, 時常經過但從來冇留意到佢, 就係路邊既一間小菜館, 環境就係舊式菜館既感覺, 再加上個種麻甩FEEL, 睇黎都係嗌餸食飯既好地方。
油鹽水浸花蛤 $168
主角花蛤好新鮮, 隻隻都鮮甜冇沙, 而且份量多冇欺場, 油鹽水有花蛤既鮮味, 仲加左芹菜同黑胡椒, 粉絲索左湯汁, 好味~
薑蔥焗桶蠔煲 $168
最中意依D上枱仲係渣渣聲既砂鍋煲, 好有FEEL, 桶蠔都有成五六隻, 大量薑蔥配料炒埋勁香, 送飯一流!
豉油王炒虎皮椒 $78
有獲氣! 豉油好香, 依度個虎皮椒切法唔同D, 唔會開邊, 而係切半, 切頭切尾, 所以中間位既籽仍然保留係入面, 食既時候會更加香辣, 對於中意辣既我就食唔停口, 如果你怕辣既可能就會刺激左D啦
張貼
