定食 Doraya (駱克道)

營業中

休息中

男朋友自己本身周不時食依間，反而我經過咁多次都無試過，咁就試下啦。次次黎都要排隊等一陣，因為入面位唔係多，位置上都幾逼下。但又唔會話等太耐既，我地黎果陣都9點零，keep住都仲有人黎。咁我本身好中意食拖羅既，所以一定係點佢既拖羅蓉+藍鯨吞拿魚飯（$178）跟住另外叫左個半生既牛肉片，個汁有少少酸，連埋鋪底既洋蔥一齊食，口感周味道都唔錯。至於個飯（定食），個漬物酸酸地都幾開胃既，因為我唔食蒸蛋所以叫左佢轉玉子燒，非常好👍🏻 主角拖羅飯係無得輸既，份量夠多、新鮮。食晒成個飯係勁飽！當然平過佢既都有唔少選擇，但佢既性價比都唔錯。