影片
更多
2022-03-18
3826 瀏覽
Caprice weekend lunch嘅booking向來非常之full, 今次我地12月就訂定位，最快都要等到3月先有得食，米芝蓮3星嘅餐廳果然係不同凡響。我地係訂枱嘅時候講定左想要海景位，餐廳話會盡量幫我地安排，最後又真係安排到❤️落地大玻璃下望住無際嘅維港景色 食飯，為成餐飯開左個唔錯嘅頭。Caprice 嘅服務絕對對得住米芝蓮3星嘅頭銜🎖️負責我地張枱嘅侍應非常健談，友善咁為我地介紹每道菜式，期間仲不停問我地對菜式嘅意見，非常周到。同侍應傾計後先知原來餐廳係二月中至三月頭都因為疫情冇開，咁岩係我地訂左嘅果個weekend先開番，真係好彩岩岩好食到🤤唔知係咪因為疫情嘅關係，Menu同我地之前睇定嘅略有不同，價錢比想像中貴少少，分別係✨$988/4 courses同$1098/5 courses。難得黎到價錢又唔相差太遠，我地就揀左5 courses.✨Appetizer - 香煎法國鴨肝伴木梨蓉配藍芝士汁前菜嘅賣相非常精緻，作為第一道菜令人食指大動❤️鴨肝口感肥美而細嫩，入口即溶，同藍芝士醬汁配搭得宜，感到油膩時食一啖木梨蓉調和一下，我同朋友都食到讚不絕口🤤✨Soup - 南瓜濃湯
Caprice 嘅服務絕對對得住米芝蓮3星嘅頭銜🎖️負責我地張枱嘅侍應非常健談，友善咁為我地介紹每道菜式，期間仲不停問我地對菜式嘅意見，非常周到。同侍應傾計後先知原來餐廳係二月中至三月頭都因為疫情冇開，咁岩係我地訂左嘅果個weekend先開番，真係好彩岩岩好食到🤤
唔知係咪因為疫情嘅關係，Menu同我地之前睇定嘅略有不同，價錢比想像中貴少少，分別係✨$988/4 courses同$1098/5 courses。難得黎到價錢又唔相差太遠，我地就揀左5 courses.
✨Appetizer - 香煎法國鴨肝伴木梨蓉配藍芝士汁
前菜嘅賣相非常精緻，作為第一道菜令人食指大動❤️鴨肝口感肥美而細嫩，入口即溶，同藍芝士醬汁配搭得宜，感到油膩時食一啖木梨蓉調和一下，我同朋友都食到讚不絕口🤤
✨Soup - 南瓜濃湯配栗子乳鴿肉雲吞
鮮黃嘅南瓜濃湯一如想像中清甜，令人驚喜嘅反而係中間嘅乳鴿肉雲吞，絲絲嘅鴿肉令成道菜嘅層次變得豐富。
✨Fish - 時令鮮魚釀蘑菇配黑松露白酒汁
食法國菜最令人享受嘅就係廚師層出不同嘅 烹調方式，菜式往往同想像中嘅有所不同，今次呢道時令鮮魚就係好好嘅例子。廚師將多寶魚拆肉，並在魚肉中釀入鮮蘑菇；魚肉嘅口感烹調得細滑幼嫩，恰到好處，磨菇同松露嘅香味則比魚肉嘅味道更為突出，為成道菜式錦上添花。
✨Meat - 法國乳鴿伴鴨肝芹菜頭配黑莓及威士忌汁
另一道令人意想不到嘅菜式，但作為餐廳嘅 signature 就令我略為有啲失望。菜式驟眼望落就好似一朵盛開嘅白花，最外層以芹菜頭同黑莓作為點綴，包裹著中央嘅乳鴿釀鴨肝。乳鴿肉煮得非常嫩滑，鴨肝一如既往地好味，但我就唔太鍾意外層嘅芹菜頭，整體黎講相對冇驚喜。
✨ 法式塔丁蘋果批配焦糖雪糕
作為收尾嘅甜品賣相同樣精緻，但味道偏甜，並冇為成餐飯加分。
整體黎講作為米芝蓮3星餐廳，Caprice 嘅用餐體驗並冇令我失望，但又未去到好驚喜，比較起黎嘅話我就更鍾意同樣係3星餐廳，但價錢更平嘅Robuchon❤️
張貼
