宏 (已搬遷) 新店位置

家中二叔牛一，太座及兒子都未能在港一同慶祝，姪兒就襯每週與嫲嫲o既家庭晚聚送上生日蛋糕及馬卡龍，搞搞氣氛 。週六為萬聖節，為咗要避開擠迫o既中環同銅鑼灣，靚靚媽咪o既幾位家姐同姐夫午餐過後就約咗返屋企飲下午茶。正好小肥準備去買蛋糕，糕點就由細佬搞掂，見咁多人食，所以就遠赴尖沙咀「宏」，買下兩大袋蛋卷同蛋糕與家人分享 。其實早一個月應K哥推介，已經同契妹黎食過餐廳o既晚餐及抹茶甜品，由於食後一直對美味o既蛋卷念念不忘 ，今次就襯機又再返黎，順便試埋餅店個抹茶蛋糕。抹茶蛋卷甘香鬆軟，姨媽姨丈無一不讚 。請留意，蛋卷$180一條，每條可切成六小件，平均每件$30，亦即同單售o既小件價格相同。朱古力蛋卷（$40/件；$240/條）質感同樣軟滑輕巧，味道甜而不濁，就連唔多好朱古力o既大姨媽都話要食多件，真係好難得 ！香草蛋卷（$30/件；$180/條）其實係雲尼拿味蛋卷，意外地個味道清香得黎好自然，唔會成口香精味咁。日本草莓蛋卷（$60/件；$360/條）雖則為多款蛋卷中最貴o既，但眾人都like爆卷內爽脆甜美o既日本草莓 ，仲話就連蛋卷入面o既忌廉都香滑過人，非常討好！抺茶雪芳蛋糕