千樂燒味餐室 (已結業)

燒味飯同茶餐廳一樣，當你唔知食咩既時候就會諗起佢，香港人都燒味飯都係會有一份情感。或者有時出完trip 返黎，食左成個星期包同意粉，真係會諗起燒味飯，始終都係香港嘅味道。好又一餐唔好又一餐，放工都係想快Ｄ食飽飽返屋企訓覺，唔好搞咁多野。呢間燒味店，係正屋企附近，因為佢開到夜晚成10點半，好幾次咁夜唔知食乜都係買燒味飯返屋企食，今次就第一次坐低食。小店式經營，到夜晚都係得返我呢Ｄ單身一支公食飯。環境乾淨企理。1人餐至4人餐都有。。對燒味飯，我係好專一既，我每次食燒味飯都會嗌叉雞飯。貴妃雞加上蔥油，啖啖肉之餘，加上味覺既滿足！今次要了套餐，叉雞飯+明火靚湯+飲品。老火湯係青紅蘿蔔湯，唔會太咸同太油，算唔錯。雙併飯份量都幾多，呢個價錢相當抵食。平時食燒味既地方最多係有油菜，未試燒味配手拍青瓜，所以另外散叫左。涼拌青瓜個汁唔錯，唔會太辣，食落幾開胃。青瓜配上燒味，減輕油膩感。除左燒味，呢度仲有手撕雞﹑鹵水拼盆﹑口水雞等等，就算當呢度係飯堂，都唔怕會無選擇。