Sugar

營業中

休息中

Item: Sugar
Rating: 3
Author: 菲比熊

174 食評

味道

環境

服務

衛生

抵食

19057

太古

$201-400

多國菜酒串燒酒吧酒店餐廳

135

條款及細則:
餐廳:	Sugar
優惠:	於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。
立即加入國泰會員計劃，今日開始累積里數！
國泰會員每次可賺取「亞洲萬里通」里數之消費額上限為港幣10,000元。會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。賺取之「亞洲萬里通」里數將根據餐飲與膳食消費，包括服務費、稅項及小費的總和而計算。惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。賺取的「亞洲萬里通」里數將於認可餐膳消費交易後10個工作天內存入會員的賬戶。

須受其他國泰條款及細則約束。

菲比熊

等級4

1.1K

8月5日, 呀菲呀比131週月紀念快樂~ 今日襯住星期日決定搵個地方食個brunch嘆一下! 見到位於太古城嘅east hotel呢間原本為酒吧嘅Sugar而家逢星期日開始供應BBQ Brunch Buffet, 每位$285加一(而家已加價至$298一位), 包自助頭盤及甜品和自選燒烤主菜一份不過唔包飲品. 見呢度環境景觀都唔差, 所以就決定嚟試下~::: Appetizer ::: 沙律比想像中少款, 已拌好嘅有凱撒沙律、中東小米沙律、蜜糖鴨胸蘋果沙律、薯仔沙律、希臘沙律同比你自己加醬汁的mixed green salad. 雖然選擇少, 但慶幸各種沙律味道都唔錯~ 凱撒沙律生菜鮮甜脆口, 拌以凱撒沙律醬更顯爽甜. 中東小米沙律有特色, 小米質口亦爽口. 希臘沙律彩椒夠甜. 蘋果鴨胸沙律好健康, 鴨胸甜甜地又夠嫩, 青蘋果帶酸香特別開胃, 不過蘋果同鴨胸兩樣野一齊擺落口味道都毫無交流…薯仔沙律粉糯, 最鐘意食!除咗沙律, 亦有三款餐包供應, 當中最特別的算係平時食印度野會遇到嘅薄脆餅~ 咬落香脆又有濃烈香料味, 可惜無汁無湯點, 食落未免乾爭爭. 其餘兩款麵包都幾軟熟, 但店方只預

8月5日, 呀菲呀比131週月紀念快樂~ 今日襯住星期日決定搵個地方食個brunch嘆一下! 見到位於太古城嘅east hotel呢間原本為酒吧嘅Sugar而家逢星期日開始供應BBQ Brunch Buffet, 每位$285加一(而家已加價至$298一位), 包自助頭盤及甜品和自選燒烤主菜一份不過唔包飲品. 見呢度環境景觀都唔差, 所以就決定嚟試下~

::: Appetizer :::
沙律比想像中少款, 已拌好嘅有凱撒沙律、中東小米沙律、蜜糖鴨胸蘋果沙律、薯仔沙律、希臘沙律同比你自己加醬汁的mixed green salad. 雖然選擇少, 但慶幸各種沙律味道都唔錯~ 凱撒沙律生菜鮮甜脆口, 拌以凱撒沙律醬更顯爽甜. 中東小米沙律有特色, 小米質口亦爽口. 希臘沙律彩椒夠甜. 蘋果鴨胸沙律好健康, 鴨胸甜甜地又夠嫩, 青蘋果帶酸香特別開胃, 不過蘋果同鴨胸兩樣野一齊擺落口味道都毫無交流…薯仔沙律粉糯, 最鐘意食!
除咗沙律, 亦有三款餐包供應, 當中最特別的算係平時食印度野會遇到嘅薄脆餅~ 咬落香脆又有濃烈香料味, 可惜無汁無湯點, 食落未免乾爭爭. 其餘兩款麵包都幾軟熟, 但店方只預備咗一款普通牛油搽麵包, 但追問原來又可以有jam提供… 加上麵包都已經放咗一段時間, 毫無溫度可言, 整體未免失色…

::: BBQ Main Course :::
食客可以從4款燒烤主菜包括牛扒、大蝦、雞扒同魚柳中揀選2款~ 再伴以烤薯仔同粟米兩樣澱粉類代表.
我地兩個人, 正好揀晒4款烤肉慢慢試! 先嚟有牛扒同大蝦, 牛扒用上接近牛柳位置, 肉質嫩滑牛味濃郁~ 絕對係4款之中最好食! 大蝦亦真係唔錯~ 無諗過隻蝦個size都唔細, 而且仲有2大隻! 開邊蝦肉燒得外脆內嫩, 蝦味鮮而肉質彈牙~ 好好味~ 雞扒都幾大塊, 肉質亦嫩滑juicy~ 不過相比起牛同蝦, 則欠些許肉香. 4款之中最差係魚柳, 毫無質感, 味道又淡薄…
要讚嘅係呢度提供好多款sauce比你點肉食~ 由香草醬、蕃茄salsa、mustard、忌廉汁以至濃味d嘅blue cheese sauce都有~ 唔單只可以點肉, 用嚟點綴埋個烤薯仔或粟米亦十分不錯!

::: Dessert :::
甜品雖然都係buffet形式供應, 但就只有tiramisu、lemon tart、朱古力小蛋糕同香蕉拖肥小蛋糕三數款~ 當中有不少食家推薦嘅香蕉拖肥小蛋糕我地就一般… 外面層撻皮淋唔淋脆唔脆咁, 味道亦略甜咗d. 朱古力蛋糕就一層太硬一層太軟, 而且都太甜. Lemon tart撻皮富牛油香, 內裡嘅lemon curt filling則滑溜帶酸香, 口味十分清新, 亦可以中和之前食烤肉同甜品嘅甜膩感~ 好味! 最愛要數呀菲嘅飛佛~ 以玻璃樽盛載嘅tiramisu! 面頭一層可可粉下係軟綿綿嘅mascarpone cheese, 芝味清香口感亦輕柔鬆軟~ 再往下品嚐則有輕蘸上咖啡酒嘅蛋糕層, 夠晒軟綿濕潤~ 成杯tiramisu芝士味清新不膩, 我忍唔住encore咗3次!

::: Killer Kiwi ::: $50
話晒呢度都係以飲野做主打, 唔好酒精嘅我地都叫咗杯零酒精Mocktail Killer Kiwi試下~ 其實係奇異果汁、西柚汁溝雪碧, 奇異果味道最出, 西柚次之, 而雪碧就直情唔係好飲得出. 所以杯野味道以酸多甜少, 無乜汽水甜味, 反而更似梳打水~ 不過酸酸地, 清新消滯, 夏天飲都幾解喝~

我地差唔多12點半先嚟到, 室內已經有半場滿, 大部份都係一家大細嚟家庭樂, 落地大玻璃讓室外陽光盡情穿透, 光猛嘅環境同夜晚嘅酒吧形象完全係兩回事! 不過時值炎夏, 天氣頗為翳焗, 兩道全開嘅落地大玻璃門不但無為食客帶來絲許涼風, 仲放晒餐廳僅餘嘅冷氣出去, 令我地就算坐喺室內都有少少熱到出汗… 加上佢地嘅枱偏矮, 幾乎同梳化座位同一高度, 而呢個高度係完全唔適合進餐! 全程都要烏低身食野, 真係腰骨都痛埋… 總括而言其實呢到環境食物都不錯, 不過就絕對唔適宜食正餐~ 下次嚟都會揀個涼快d嘅晚上, 坐室外睇風景, 嘆杯野飲更佳!