翠榮雞煲火鍋

營業中

休息中

奇味雞煲中辣一隻雞，有大、中、小同唔辣選擇，可以叫一隻或半隻雞，價錢差幾十蚊乍。中辣已經可以令我食到流汗，雞屬迷你走地雞，兩個人要食一隻先夠。老闆炒好煲雞就放上電磁爐炆，要好有耐性等多十五廿十分鐘，因為醬汁仲未滲入雞肉之中。如果一開波就食，雞肉無味道 ﹗大量香菜、香料、辣椒、芹菜、乾蔥、等等，炒得勁香 ﹗雞肉皮脆肉嫩，辣度十足，好味道 ﹗依家仲演化到自助炒炒炒 ﹗好似之前好興既日式自助鐵板炒粉麵咁 ﹗見有啲食客會 order 烏冬、即食麵同奇味雞一齊炒，又會叫豬潤同奇味雞同炒，變左啫啫奇味雞 ﹗用肥牛、雞子，都可以 ﹗各施各法，同樣好味出色 ﹗食完雞就可以加上湯打邊爐，不過湯底變得好淡，打邊爐都係用返胡椒雞煲最好食 ﹗美國桶蠔，都估到佢係細桶，只得四舊，食桶蠔我比較喜歡食熟一點，咬落結實彈牙出晒煙又勁 juicy，蠔味特別香濃。帶子位同裙邊都太硬，一向都唔食佢，剩係食肥美蠔肉。墨魚滑，睇到白雪雪都知佢加左大量粉啦，食落似食緊麵粉，不鮮不彈不滑 ﹗硬實既口感，唔會再叫，無下次。魚腐，最好味始終係佢 ﹗外味香，嚥嚥靭靭，裡面滑又充滿水份，又索晒啲湯汁，好好味 ﹗必食之選。牛頸脊，但 men