影片
更多
2018-12-04
169 瀏覽
唔講唔覺原來茶木都有唔少分店，平時幫襯開荃灣分店，今次去九龍灣，一於睇下有心事嘅小丸子主題有咩特色。由於九龍灣係商業區，夜晚嘅九龍灣都預左人潮唔多，不過茶木嘅入座率比我想像中高，都有8成滿，唔通大家都想捉緊小丸子尾巴？我地點左小丸子餐牌上嘅小丸子蕃茄肉燥鰻魚飯（$128），賣相有小丸子已經比晒心心，味道方面鰻魚不過不失，係日式蒲燒鰻魚飯味道，如果熱少少會好下飯。而肉燥方面，反而可以話佢係西式肉醬，有好多蕃茄味酸咪咪我好喜歡。食台灣菜點可以唔食鹽酥排骨，酥炸排骨面雖然係闊面條，不過吸左湯汁食都好入味，而排骨炸炒薄，如果排骨本身厚少少會更有咬口會更覺香脆。沙茶大蔥帶骨牛小排以洋蔥大蔥同沙茶等調味料爆炒，雖然話係味濃嘅調味，但一點都無蓋過牛肉嘅味道。兩杯小丸子特飲爺爺抹茶歐蕾同花輪玫瑰咖啡拿鐵如果可以點熱飲就會大加分，因為冰塊令本身剛剛好嘅味道變淡。最後點左個小丸子吐司禮物盒，其實茶木嘅蜜糖磚塊係每次必點，貪佢可以相機食先又可以同班姐妹些牙唔會太多。不過今次見有小丸子主題，就點小丸子試下啦。一如既往嘅吐司粒香脆，食倒淡淡蜜糖味，份量較細，岩晒兩個人食。食飽飽仲可以同餐廳內小丸子裝飾影相，實在
由於九龍灣係商業區，夜晚嘅九龍灣都預左人潮唔多，不過茶木嘅入座率比我想像中高，都有8成滿，唔通大家都想捉緊小丸子尾巴？
我地點左小丸子餐牌上嘅小丸子蕃茄肉燥鰻魚飯（$128），賣相有小丸子已經比晒心心，味道方面鰻魚不過不失，係日式蒲燒鰻魚飯味道，如果熱少少會好下飯。而肉燥方面，反而可以話佢係西式肉醬，有好多蕃茄味酸咪咪我好喜歡。
食台灣菜點可以唔食鹽酥排骨，酥炸排骨面雖然係闊面條，不過吸左湯汁食都好入味，而排骨炸炒薄，如果排骨本身厚少少會更有咬口會更覺香脆。
沙茶大蔥帶骨牛小排以洋蔥大蔥同沙茶等調味料爆炒，雖然話係味濃嘅調味，但一點都無蓋過牛肉嘅味道。
兩杯小丸子特飲爺爺抹茶歐蕾同花輪玫瑰咖啡拿鐵如果可以點熱飲就會大加分，因為冰塊令本身剛剛好嘅味道變淡。
最後點左個小丸子吐司禮物盒，其實茶木嘅蜜糖磚塊係每次必點，貪佢可以相機食先又可以同班姐妹些牙唔會太多。不過今次見有小丸子主題，就點小丸子試下啦。一如既往嘅吐司粒香脆，食倒淡淡蜜糖味，份量較細，岩晒兩個人食。
食飽飽仲可以同餐廳內小丸子裝飾影相，實在太可愛喇。
張貼
