影片
更多
2021-06-07
2046 瀏覽
之前買嘢儲落些少K-dollar, 於是就想去K11用咗佢。呢間蓮苑我地以前從未幫襯過，由於佢最近同小丸子聯營，所以吸引咗我呢個小丸子迷去打卡囉！我地大約7點幾去到餐廳門口，喺門口企咗一陣，但都冇店員出嚟招呼，有啲直頭企喺度視而不見。於是我地就主動同佢地表示兩位，然後某個女店員就同我地講，餐廳已經坐滿，仲係啱啱坐低，你地要等幾個字喎！再問佢有冇籌攞啦？佢話冇。咁我地就企咗喺門口，順便同小丸子影吓相。如果唔係小丸子嘅關係，我地已經轉咗場喇！等咗大約15分鐘，終於有得坐低喇。但係搞笑嘅係店員只係幫我地擺好個位，斟咗兩杯茶，就走咗。要我地主動出去問店員攞餐牌！餐牌出現咗，咁我地就揀咗脆ＢＢ乳鴿、皇太子炒飯同埋鮮蝦雲吞麵！最快送嚟嘅係雲吞麵，雲吞有五粒，都幾飽滿架！ＢＢ乳鴿熱辣辣，脆卜卜，好味！皇太子炒飯，有好多蟹籽、新鮮帶子、蝦仁同埋蛋白、芥蘭頭等，飯粒炒得粒粒分明，非常好食！總之，食物質素冇得輸，但店員待客態度尚待改善啦！
我地大約7點幾去到餐廳門口，喺門口企咗一陣，但都冇店員出嚟招呼，有啲直頭企喺度視而不見。於是我地就主動同佢地表示兩位，然後某個女店員就同我地講，餐廳已經坐滿，仲係啱啱坐低，你地要等幾個字喎！再問佢有冇籌攞啦？佢話冇。
咁我地就企咗喺門口，順便同小丸子影吓相。如果唔係小丸子嘅關係，我地已經轉咗場喇！
等咗大約15分鐘，終於有得坐低喇。但係搞笑嘅係店員只係幫我地擺好個位，斟咗兩杯茶，就走咗。要我地主動出去問店員攞餐牌！
餐牌出現咗，咁我地就揀咗脆ＢＢ乳鴿、皇太子炒飯同埋鮮蝦雲吞麵！最快送嚟嘅係雲吞麵，雲吞有五粒，都幾飽滿架！ＢＢ乳鴿熱辣辣，脆卜卜，好味！皇太子炒飯，有好多蟹籽、新鮮帶子、蝦仁同埋蛋白、芥蘭頭等，飯粒炒得粒粒分明，非常好食！
總之，食物質素冇得輸，但店員待客態度尚待改善啦！
張貼
