影片
更多
2014-07-29
3619 瀏覽
係勝利道食左brunch，黎到荃灣去試試依間小店cafe~好熱既天氣，係商場走黎走去，最後終於到達～俾想像中有少少落差，由於係屋村商場小鋪，環境會有少少污穢，同埋店鋪樓下樓梯有少少異味。好彩店鋪範圍都係好乾淨，並無任何奇怪異味, 污積 大約3點3下午茶時間，去到已經full晒，待應為我地係鋪外開左一張枱。等待期間望望餐牌，影下周圍裝潢。店鋪內以紅色為基調，配上好多裝飾物，一幅世界地圖吸引左我既視線。其中有一幅牆貼上好多紙條，可惜入邊太細，又唔係坐係入邊，睇唔清，留返有緣人望下啦 等左一陣坐抵，好熱。好彩室外有一把風扇吹住我地XD我地叫左2個Cake set (@HK$38, 特飲要補錢):1) Green Tea Hazelnut Chocalate Mousse Cake2) Rose, Stawberry Cheese Cake 玫瑰，士多啤梨芝士蛋糕Cafe 應該試下咖啡，可惜太熱，選擇左荔枝soda水同一杯凍賠茶咖啡。我諗一間好既cafe應該要所有食物同飲品都要有一定既水平先得XD飲左一啖soda水，ｗｏｏ 清水一般，太淡啦，正如一杯有氣氣水一樣 試下女朋友既咖啡，ｗ
好熱既天氣，係商場走黎走去，最後終於到達～
俾想像中有少少落差，由於係屋村商場小鋪，環境會有少少污穢，同埋店鋪樓下樓梯有少少異味。
好彩店鋪範圍都係好乾淨，並無任何奇怪異味, 污積
大約3點3下午茶時間，去到已經full晒，待應為我地係鋪外開左一張枱。等待期間望望餐牌，影下周圍裝潢。店鋪內以紅色為基調，配上好多裝飾物，一幅世界地圖吸引左我既視線。其中有一幅牆貼上好多紙條，可惜入邊太細，又唔係坐係入邊，睇唔清，留返有緣人望下啦
等左一陣坐抵，好熱。好彩室外有一把風扇吹住我地XD
我地叫左2個Cake set (@HK$38, 特飲要補錢):1) Green Tea Hazelnut Chocalate Mousse Cake
2) Rose, Stawberry Cheese Cake 玫瑰，士多啤梨芝士蛋糕
Cafe 應該試下咖啡，可惜太熱，選擇左荔枝soda水同一杯凍賠茶咖啡。我諗一間好既cafe應該要所有食物同飲品都要有一定既水平先得XD飲左一啖soda水，ｗｏｏ 清水一般，太淡啦，正如一杯有氣氣水一樣
試下女朋友既咖啡，ｗｏｏ 係一杯賠茶奶茶 而唔係咖啡...好甜好甜...
估唔到既飲品，出奇不意嚇你一跳
或者咁啱選錯最唔好飲既兩杯飲品啦XD
其他飲品留俾其他人試下啦，不過真係唔好點依兩樣
蛋糕先後黎到，
試先綠茶榛子凍餅，好濃既綠茶味配上過量既苦澀味，控制味道方面需要改善 個人都鐘意榛子味朱古力，加返少少分啦XD (5.5/10) 再試試草莓味，相比下好食好多，玫瑰味清新，配上草莓無得頂 。可惜既係味道唔能夠持久，食一兩啖已經覺得無咩特別。 (6/10)
以事論事，因為成本問題同環境因素，係屋村食cafe唔可以要求太多。
雖然食物水平需要改善，不過總算係一處靜靜傾計既地方，價錢又唔算貴，好似店面講既一樣，好適合坐低發呆XD
後話：店主有心裝飾鋪面，小小地方都見到佢既努力，去圖XD
題外話/補充資料：
室內坐位有點逼，椅子之間全無空位，坐室內可能要同人逼。如果唔怕熱都可以坐出面，都幾舒服。
依家越來越多新ｃａｆｅ，要做得好真係要各方面都要顧及先得，希望黎緊既食客可以食到進步後既Browny Cafe~
(以上食評乃用戶個人意見 , 並不代表OpenRice之觀點。)
張貼
