麵麵店 (已結業)

小儀開的車仔麵-麵麵店開到來將軍澳，座位不多，好先進地用電話掃一掃枱上的QR code然後落單，揀好食物後，仲可以用手機俾錢，十分方便，又可以不用浪費紙張，員工都好有善地教你點落單。食物款式都頗多，除了可以自選車仔送外，唔想煩都有小儀的推介車仔組合，近排更有限定優惠$44 有4款送連飲品。每碗車仔麵更有自家制的勁辣菜圃，更惹味。每碗車仔送除了可選麵底，仲可以選菜底，適合減肥人士。湯底除左清湯，仲有比較特別的香菇素湯及薑酒湯。我自選5個送，份量十足，點了蘿蔔，九菜，豬紅，雞中翼，麻辣年藕配粗麵腩汁，麻辣年藕都頗辣，平時食開BB辣的我頂不住，好彩是分開上，不然我的車仔麵就會變得很辣了。雞中翼雖然唔係屬於大隻厚肉，但就入味淋身，蘿蔔甜得來有點渣。另一碗有魚旦，魚皮餃，清湯豆腐，咖哩魷魚及通菜配幼麵，清湯豆腐原來是炸豆腐，咖哩魷魚就爽口，通菜幼嫩，如果是陳皮魚旦就更好了。飲品點了紫貝天葵下下火。