LM Cafe (已結業)

都係太掛住之前公司嘅同事，久唔久就返去觀塘同佢哋食飯，今日就去佢地推介嘅LM Cafe啦！餐廳喺大廈商場裏面，內部裝修簡單整齊可以容納好多食客，一邊枱櫈太以黑白為主，另一邊就色彩繽紛，樓底高感覺幾舒服，餐廳名用Lego積木砌岀，好可愛喔!點咗兩個晚餐，各有餐湯或沙律，羅宋湯裏面嘅牛肉煮得好淋容易咬開，蕃茄味幾香都唔錯，沙律菜中有一啲醬汁配搭，幾開胃。香蒜牛油帶子炒意粉 $72朋友最鐘意食海鮮，所以揀咗香味突出嘅香蒜牛油帶子炒意粉，份量都幾多，如果帶子可以煎得黃金色啲賣相就更吸引啦！English Breakfast $68我嚟之前睇咗openrice嘅相，多番考慮揀好 All day breakfast 哈哈，配料豐富先有腸眼大啡菇，中間有牛油更加濕潤感，另外最引誘我嘅係炒滑蛋，單係表面半熟蛋汁未食已經知道夠滑溜，加啲鹽調味就美味啦，之後當然唔小得焗豆、煙肉同香腸份量都幾多！Choose your Flavor Waffle 店家推介自選口味窩夫，有原味、朱古力、芝士窩夫味，另有醬料、雪糕同配料，緊有岩你味道嘅配搭，我就揀好芝士、蜜糖、雲呢拿同士多啤梨，窩夫弄得外脆內軟，奶香味豐富，帶