影片
更多
2017-06-26
296 瀏覽
由於住得比較近，加上妹妹比較中意食點心，我地都黎過幾次食下唔同野先寫依篇食評。甘返得轉頭，姐係都唔錯既依間餐廳 🤗🤗 本來依條都有其他幾間點心，我地就去開對面個間既，依間舖裝修緊個時我地仲話佢抄人叫x哥點心，擺明玩野😂😂😂😂 但結果依間開左之後就轉投左一哥既懷抱 lol 店面環境黎講，依度係比較好坐。注意翻，只係比較，姐係佢只係闊過人地少少。不過以一間甘多人等既店黎講，飲茶又係比較費時既活動，想做多幾枱搵翻租金都真係情有可原 😂😂 但等位個陣安排少少亂，姐係有幾組人都未拎到飛，一出黎就一次過派飛，明明我早到啲個號碼會遲過一個企得前啲既人，雖然最後都係差幾分鐘入。食物質素幾次都好好，但等十五分鐘係基本。😌 今日見隔離枱個男仔少少燥話已經十分鐘，傻豬黎既呀媽蒸碟水蛋都要十二分鐘啦係咪先😂 先講下啲招牌菜：(名係亂記既🤡)紫薯煎堆仔(有相)外皮似咸水角層皮，少少煙韌，不過變得厚小小同紫色甘樣，但無乜紫薯味，都係kimmick野黎姐其實 😂 入面係就黃色流心奶黃。依個其實幾好食，創新點心黎講算成功試得過，不過如果係為左紫薯就恐怕會失望。椰子鳳梨老鼠仔(有相)睇名以為係傳統點心白兔仔個frien
本來依條都有其他幾間點心，我地就去開對面個間既，依間舖裝修緊個時我地仲話佢抄人叫x哥點心，擺明玩野😂😂😂😂 但結果依間開左之後就轉投左一哥既懷抱 lol
店面環境黎講，依度係比較好坐。注意翻，只係比較，姐係佢只係闊過人地少少。不過以一間甘多人等既店黎講，飲茶又係比較費時既活動，想做多幾枱搵翻租金都真係情有可原 😂😂 但等位個陣安排少少亂，姐係有幾組人都未拎到飛，一出黎就一次過派飛，明明我早到啲個號碼會遲過一個企得前啲既人，雖然最後都係差幾分鐘入。
食物質素幾次都好好，但等十五分鐘係基本。😌 今日見隔離枱個男仔少少燥話已經十分鐘，傻豬黎既呀媽蒸碟水蛋都要十二分鐘啦係咪先😂 先講下啲招牌菜：(名係亂記既🤡)
紫薯煎堆仔(有相)
外皮似咸水角層皮，少少煙韌，不過變得厚小小同紫色甘樣，但無乜紫薯味，都係kimmick野黎姐其實 😂 入面係就黃色流心奶黃。依個其實幾好食，創新點心黎講算成功試得過，不過如果係為左紫薯就恐怕會失望。
椰子鳳梨老鼠仔(有相)
睇名以為係傳統點心白兔仔個friend，有菠蘿甘樣 😂😂😂 所以一直assume佢係凍既，點知係熱辣辣甜點 ?! 外層係椰絲糯米糍甘，入面個菠蘿內涵幾好食，但總體上比較甜同漏... 熱食就更甜... 我始終都想整凍佢 哈哈 食得甜既話就試下，或者人多都可以一人食半隻，唔係只會食唔到其他野 🙈🙈
春風得意腸 (有相)
依個正！我已經encore過 😂 腸粉皮包住一層脆既皮，再包住蝦同埋粟米呀少少菜甘樣。上面蟹子兩次都好晶瑩 新鮮樣。總之好食，睇佢啲腸粉皮甘樣，相信其他腸粉類都會好食。
芝士蝦春卷 (有相)
一碟有三條，斜切成六件 比你見到哂入面有菜有蝦有芝士，不過芝士味就唔算濃，成個combination都似係為加而加.... (同紫薯同一個道理) 依個我會覺得普通春卷好食啲...
生煎包 (有相)
原pan上既，所以影相幾靚。但好油，見到包表層全部係油，pan都係...可能觀感上影響左，覺得無甘好食。(本身我唔中意食炸包既，冬甩沙翁炸饅頭個類都麻麻，依個未必客觀)
黑松露蝦餃
我一路覺得依個會搶哂味，第一次無叫到，第二次呀妹話好想試就叫左。點知勁好食，依個會係我想encore item 😂🖒 蝦好靚又爽口 (其他蝦點心都係)，黑松露味道係食得出香但唔搶味既。正評。
木魚絲炸羅白糕 (有相)
依個都好食呀 😂😂😂 炸野好驚食到厚粉，依個炸羅白糕剛剛好，又熱辣辣上枱(其他野都係，所以要等) 千島醬木魚絲都好夾，又係一個好既創新點心 🖒
以下係一啲傳統點心。
燒賣 (有相)
受靚蝦影響，成粒都高分左。但骨子裡都係粒普通燒賣，雖然好食但無乜創新，所以我都唔知點講啦。總之係粒好食既大蝦燒賣。另外依個點心我仲外賣過，雪左叮翻做早餐，依然好食，依個係出乎意料。 🖒
鳳爪排骨飯 (有相)
依個又係正，第一次叫可能會失預算，以為好似普通蒸飯甘細，但依度啲飯有成三至四碗，一定要share的。排骨份量有成籠甘多 (所以我唔會就甘叫個排骨 😂)，兩隻鳳爪，排骨多肉又唔韌 🖒🖒🖒
雲耳蒸雞飯 (有相)
相比下就差好多，因為雞係雞件所以實有啲位肉較少既...
服務上黎講態度好既，茶呀個啲基本野就好快手，但忙到踢哂腳都有時會唔記得野，例如我次次叫佢拎外賣袋都要講兩三次先得 😂 但依啲都係小問題，我會繼續支持。😚
紫薯煎堆仔
13 瀏覽
0 讚好
0 留言
椰香鳳梨老鼠仔
43 瀏覽
0 讚好
0 留言
芝士蝦春卷
16 瀏覽
0 讚好
0 留言
生煎包
16 瀏覽
0 讚好
0 留言
燒賣
11 瀏覽
0 讚好
0 留言
鳳爪排骨飯
19 瀏覽
0 讚好
0 留言
雲耳蒸雞飯
17 瀏覽
0 讚好
0 留言
春風得意腸
46 瀏覽
0 讚好
0 留言
千島醬羅白糕
19 瀏覽
0 讚好
0 留言
張貼
