石一燒 (富多來新邨一期) (已結業)

今日去大角咀同舊同事敘舊，佢話近住鐵樹街有好多特色小店，我哋就揀咗石一燒試吓店鋪係主打石燒，有套餐亦都可以散叫我哋分別叫咗A4和牛西冷套餐同西班牙豬頸肉套餐，再加咗個秘製牛丸及石燒海鮮盛會套餐包括有沙律，櫻花蝦味噌湯，菇盛會，飯同甜品首先飲番碗熱湯，平凡嘅味噌湯加咗大量嘅櫻花蝦，味道豐富咗，而最重要係碗湯超級熱，非常好飲秘製牛丸比較紮實，但牛味就好豐富，配燒汁食牛味更突出和牛西冷份量足，燒嘅時候勁香，睇住啲油分釋出，燒脆兩面就已經食得。果然係A四級數嘅和牛，又腍油份又豐富，咬幾下就已經可以吞，但正正就係油份豐富，所以要配飯食另外嘅黑毛豬豬頸肉非常爽口，而且係厚切，口感特別豐富，豬肉嘅香味同甜味越咬越突出海鮮盛會有蝦同帆立貝，蝦好爽口，帆立貝燒完都冇乜點縮水，配以自家製嘅蛋黃醬，牛油味豐富，帶有少少鹹味，更突出咗海鮮嘅甜味最後嘅甜品都好有心思，係將抹茶粉自己加水攪勻，然後淋在雲呢拿雪糕上，抹茶嘅甘苦啱啱好用雲呢拿雪糕平衡咗，甘甜甘甜作為飯後甜品好適合👍👍小區小店，製作認真，用料靚，真係要多啲支持