山東小城 (埃華街)

營業中

休息中

黑糖黑醋排骨擔擔麵湯底第一啖飲入口唔辣，吞完都唔覺辣，但再過兩三秒之後開始黎料啦，以為係少少辣，跟住個辣慢慢喺喉嚨辣出黎。哇，係都幾辣下喎！果種辣唔係舌頭覺得辣，而係由喉嚨辣湧上黎有啲想咳咁，辣得咁有層次，果然厲害。麵夠淋，岩我食，不過食食下麵又慢慢唔覺辣，真係神奇！有花生香，唔算濃，不過有花生粒食搭夠。排骨味有啲似豬腳薑醋隻味，肉質如果再淋啲會更好。鮮肉韭菜餃有10粒，好足料好大粒，比我想像中大粒，50蚊都幾抵食。食落啲料係新鮮既，食完個口冇臭韭菜味，非常好！自製豆漿有凍有熱選擇，甜度岩我，我本身鍾意飲唔太甜既，好飲。