小方糖甜品 (廣華街)

營業中

休息中

同朋友食完飯難捨難離，又係時候搵下場坐低繼續吹水。今日煙廠街嘅人都比較多，我哋最後決定喺小方糖攞飛，因為記得九龍城鋪都幾好食。三個人等左5分鐘就有位啦。第一個甜品係熱番薯湯圓芋圓，我個人比較鍾意重嘅薑味，所以個糖水底我覺得OK，不過朋友就覺得好辣。湯圓煮得都可以嘅，唔會太林，入邊係芝麻餡。不過芋圓就有啲失望，一邊一啲芋頭香味都冇。燉鮮奶蛋白係三款甜品入邊最好食嘅，雖然賣相好一般，但係入口就有好香嘅奶味，而且口感好滑。推介！呢個芒果雪花冰賣相唔錯，不過就冇預期中咁好食。佢個芒果冰底唔似係新鮮芒果味，芒果香料味比較重。而且同啲配料味道唔多夾，希望佢哋可以嘗試吓配合其他材料啦。