喜遇 (已結業)

雖然住係香港，宅宅嘅我今日竟然係第一次去利東街。利東街範圍唔算太大，但就收埋左好多特色餐廳。 同舊同事黎左一間叫喜遇嘅餐廳，門口企住左2隻著中國服式嘅公仔，身體微微向前傾，好似對訪客鞠躬咁。雖然門口係中國傳統的木制門，但就採用左傳統唔常用嘅天藍色粉飾，舖內亦收左唔少嘅懷舊元素去佈置，有種集傳統同創新於一身嘅感覺。同舊同事叫左 胡麻油叉燒炒蛋飯($68)、濯湯小籠包($38)、炸排骨($18)、秘製雞翼($18)同個兩餸麵($46)兩個人齊齊分甘同味。第一位登場嘅係胡麻油叉燒炒蛋飯，見個個炒蛋成個拳頭咁，覺得個賣相唔靚，同怕會鞋口，但食落俾相像中好好食，同滑嘅，味道唔會太咸，還好。濯湯小籠包抵讚嘅，熱辣辣，上檯果陣仲係有煙出緊！皮簿！好多湯汁係入面，勁Juicy！一路食一路都無爆，寶寶覺得好神奇。小籠包完全唔洗點醬，本身個肉同個湯已經味道夠出。秘製雞翼大大隻，佢無太多炸粉，炸得好香酥金黃，肉質亦都好嫩，好食。炸排骨唔太鐘意，D肉有D實，食落口有D硬。兩餸麵我地簡左稻庭烏冬，擔擔湯(走辣)，配墨魚蝦卷同咖哩魷魚。擔擔湯好好飲，好香花生、芝麻、豆瓣醬等嘅香味，稻庭烏冬排湯力非常好，同湯係絕配