邊澗鐵板燒日本料理 (已結業)

是日午餐, order 如下:lunch set - 前菜 - 係蔬菜沙律, 普通, 但 good.日式蒸旦 - 整得好滑, 味道都適中, 好. 海膽三文魚籽壽司飯 - 海膽只係 ok 新鮮, 相反魚籽好好多, 粒粒咬落去都鮮味, 唔會腥. 可惜份量唔算多, 女子岩岩好, 男子可能會唔夠喉. 飯內有日式厚旦兩件, 好味!面豉湯 - 仲遲過個飯先來, 完全唔記得左上俾我.朱古力 mousse - 不喜歡. 好甜. texture 太林, 太 pat pat, 唔似 mousse hold 起身既質地, 令人食落覺得似"就溶未溶"既雪糕, 好怪!!overall,質素都 ok, 都幾新鮮, 唔錯. 美中不足係個甜品.環境都唔錯, 唔會太嘈.上菜速度適中, 美中不足係漏左個面豉湯.服務一般, 多人時做唔切, serve 唔來.午市都幾 full, 記住訂位!!!!其實都幾好味, 可惜小小既不足令到扣左 d 分. 可以做得更好.如要比較, 以同樣價錢, "壽x廣" and "tonkichx"會好 d.