影片
更多
2011-10-10
289 瀏覽
小兒的生日正日, 爺爺突如其來, 要在正日為BB設下一個小壽宴. 放完假的星期一, 之後仲有不斷的假期, 點忙都好, 身為父與母的我們, 點都要抽身去為BB慶祝一下.是日BB的面子可大了, 一聽到BB生日約食飯, 我的幾個阿姨全部黎齊. 一檯10個人, 不叫套餐了, 直接點小菜食晚飯. 小菜, 價錢不算貴, 當中也有孖寶類的選擇, 感覺非常之抵食. 不過, 總覺得, 這麼小的BB既生日會, 不就是純粹大人們找一個籍口, 吃喝一番吧.因為是小菜食飯, 所以沒有特定的上菜次序, 首先來的, 是一個翠玉炒花膠. 用上翠玉瓜, 冬菇伴炒, 花膠一看就知道是普普通通的小花膠, 不然絕對不會以一般晚飯小菜既價錢作價. 這個是味道不太濃的菜式, 多菜少肉, 充滿骨膠原又令人感覺健康, 只不過, 清淡是好, 但一下子就被其他味道濃郁的兩個味部菜式, 比下去了. 燒雞, 雖不是味部食品, 但因為此物同燒味一樣, 一樣要燒, 一樣要預先做起. 所以好快就有得食, 記憶中此物與一個涼瓜班球, 是一個抵食孖寶. 此雞, 皮脆, 肉香, 夠嫩滑. 酒樓的, 雖然一定是冰鮮雞, 但冰鮮雞
是日BB的面子可大了, 一聽到BB生日約食飯, 我的幾個阿姨全部黎齊. 一檯10個人, 不叫套餐了, 直接點小菜食晚飯. 小菜, 價錢不算貴, 當中也有孖寶類的選擇, 感覺非常之抵食. 不過, 總覺得, 這麼小的BB既生日會, 不就是純粹大人們找一個籍口, 吃喝一番吧.
因為是小菜食飯, 所以沒有特定的上菜次序, 首先來的, 是一個翠玉炒花膠. 用上翠玉瓜, 冬菇伴炒, 花膠一看就知道是普普通通的小花膠, 不然絕對不會以一般晚飯小菜既價錢作價. 這個是味道不太濃的菜式, 多菜少肉, 充滿骨膠原又令人感覺健康, 只不過, 清淡是好, 但一下子就被其他味道濃郁的兩個味部菜式, 比下去了.
燒雞, 雖不是味部食品, 但因為此物同燒味一樣, 一樣要燒, 一樣要預先做起. 所以好快就有得食, 記憶中此物與一個涼瓜班球, 是一個抵食孖寶. 此雞, 皮脆, 肉香, 夠嫩滑. 酒樓的, 雖然一定是冰鮮雞, 但冰鮮雞往往的質素不差, 有時攞貨攞得靚, 冰鮮雞一樣好食.
燒鵝, 好多酒樓都極力推介佢地既燒味, 百樂門今次就極力sell佢地既燒鵝. Sell的我老爸都忍唔住要叫返一大隻, 最終咪打包走人. 說真, 此燒鵝的確是有肉有味, 皮脆肉厚, 香味十足, 夠肥而不羶. 鵝靚, 燒得要夠香, 酒樓侍應沒有介紹錯.
與燒雞孖寶的, 就是這個涼瓜班球. 食得出班球肉是新鮮魚肉, 帶骨, 肉質結實, 有魚味. 用上豉椒涼瓜去炒, 令人感覺少了一般炸物的油膩, 涼瓜甘香非常, 魚肉新鮮炸得香口. 看似平凡的小菜但要做得好, 是要有不平凡的功夫的.
竹笙上素, 這是其中一個為了太太而叫的素食菜之一. 清淡的菜, 清淡的菇棋類美食. 竹笙夠爽. 平日大魚大肉慣了, 間中食返一兩味清淡的素菜, 對腸胃同健康都不錯.
另外一個孖寶, 就是白灼大蝦同清蒸多寶魚. 白灼蝦, 不用什麼功夫的, 蝦夠靚, 夠新鮮, 食落爽甜已經行. 而此蝦, 夠爽, 帶少甜, 不點豉油, 也夠味道.
粟米上素羹, 大概是這個名字吧. 來酒樓, 可以叫做飲吧, 湯水/羹是少不了的. 我看見Menu上有一個素食的羹, 於是就點下此羹, 好讓大家可以食. 此羹, 味道甜, 湯料十足, 而且又不覺得似食緊漿糊, 不錯.
另外是這個素肉絲扒菜膽, 好少會係正宗酒樓呢一D地方見到"素肉"呢一類野. 此素, 因為用了素肉, 同埋一個素上湯, 味道有返少少惹味, 雖然簡單, 單調了一點, 但作為一間非素食專門店做出的上素, 已經是很好了.
金銀蛋浸白菜仔, 本來叫的是菠菜, 可是是日菠菜沽清, 改了做白菜. 味道一樣濃香, 只是換了白菜, 口感沒菠菜咁好吧.
清蒸多寶魚, 蒸魚需時, 所以最後才出現. 細細條但又不是太細, 而且肉嫩, 爽爽地. 平平地, 有魚食, 仲有個孖寶蝦配, 非常抵食.
簡單的晚餐, BB開心, 大人也開心. 小兒大一歲了, 我們又要繼續為他而忙碌同努力了.......
張貼
