八一0四生活盒子 (已結業)

小編喺公司附近搵食，嚟咗一間門口好特別，放咗好多書嘅餐廳，門口放有個木箱，上面寫住“二牛書籍交換平台，行動一：放寸想跟別人分享的書籍，行動二：把喜歡書籍帶回家“，俾小編第一個印象，覺得呢間食店做緊件好環保事情，食物應該都唔會太差的。呢到餐牌上食物選擇不太多，午餐有3款，但飲品就有好多不同茶選擇，有伯爵茶英式早餐茶、茉莉綠茶、雜莓果茶、薄荷綠茶及玫瑰雲呢拿茶……小編叫咗白汁龍脷柳扁意粉，配羅宋湯及有機沙律，魚柳唔太乾，扁意粉煮得唔太硬幾好。沙律係黑醋加上羅馬生菜及青瓜，健康清清地都不錯。