Next Station Dessert (已結業)

我太迷紫薯喇❤由於見到好多人Post呢個紫薯山，所以收工就同左朋友去食。賣相好吸引，Pavlova、紫薯蓉加雲呢拿雪糕砌成一個小山丘 再加上一條有少量杏仁碎嘅條紋栗子蓉路軌，口感軟滑得黎仲脆脆地。而我最愛嘅紫薯蓉就香濃軟糯，蛋白餅鬆脆，配少少香滑嘅粟子蓉，味道更濃郁 若果怕膩，可以醮啲雲呢拿雪糕。當然最吸晴嘅就係係旁邊嘅紫薯波波，加埋薄薄嘅玻璃糖，真系好Qq 朋友叫左個"芒果拿破崙"，芒果粒粒有9粒，仲有好多吉士，兩層都唧到滿哂 最抵讚係酥餅有超香嘅牛油味，而且兩層都好鬆脆 雖然酥餅同吉士味道好夾，但太多吉士反而有啲膩，如果多反少少芒果粒粒會更加好。