皇后冰廳 (已結業)

喺長沙灣呢度靜靚地嘅角落頭，有間看似平凡，但原來收埋咗好食嘅即叫即開生蠔😍有陣時想食吓高性價比嘅西餐，呢間絕對滿足到👍🏻呢度有愛爾蘭/ 法國生蠔揀，見佢有做緊買五送一優惠，當然要揀貴啲嗰款愛爾蘭N2生蠔！賣相都唔錯，夠大隻，食落新鮮爽脆，有豐富蠔鮮味，鐘意食蠔嘅要試試佢喇！叫番支Apple Cider 抒暢一下先🥂芝士磨菇釀雞翼呢個好食！脆香外皮，加上滿滿嘅芝士磨菇涵，叫咗兩隻唔係好夠喉，應該要食4隻！咖哩海鮮飯正正常常夠份量，咖哩味都幾香濃，撈飯一流西班牙豬肋排煮得夠腍夠入味，可以輕鬆咬淨條骨，係幾好食！仲有薯菜大大份，今餐夠哂滿足！