Haven (已結業)

午餐搵食貼士今日無訂枱，1215左右去到，仲有位。直到1時許，仍有數張4人枱。如果35知己即時約午餐，可以考慮的。同事叫咗魚，我叫咗牛扒，包前菜及餐飲。先講湯，唔錯呀，唔係開粉的，只係略為淡啲。個魚，得兩小片，下面有一大堆薯蓉，我望住個碟魚問咗個同事一句，你要唔要諗定下午茶。雖然份量唔大，但是同事話味道好好，只係份量多啲會好啲囉。到我個牛扒，得3隻手指闊，長就不足一隻手掌，真係好細塊。質量其實唔錯，我叫5成，真做到係5成，而且肉質鮮嫩，仲有一樣係汁醬另上的，即使on diet都唔使怕。餐茶我地要咗咖啡，不過不失咁啦!坐的地方唔太迫，當然小店都唔好預好寬敞啦，再加上今個月有85折，都可以再去食。