犀牛廚房 (裝修中)

大蝦忌廉意粉🍝🍤一上枱已經聞到濃濃既奶酪香氣🧀️雖然隻色水就唔係咁吸引 份量睇落又唔係真係大份 但味道其實好有驚喜！芝士既鹹 忌廉既甜 闊麵彈牙 大蝦都爽口彈牙 有成4隻咁多！！ 🤤🤤好味！ 我post完上ig story之後 仲有好多朋友reply得話食過 覺得好好食！大蝦龍蝦汁risotto 🦞 大蝦依然爽彈！大大隻！有四隻！大蝦輕輕煎過🤤更香口 龍蝦汁混上忌廉汁 顯得龍蝦汁味道冇咁出 〰️ 食食下覺得有浸麥精味🤣🤣🤣 米粒略嫌煮得過熟 比較軟糯👅凍檸檬茶🍋正常味道 冰粒較多〰️Dirty ☕️味道正常🤣-餐廳寬敞 樓底夠高 枱與枱之間空間足夠 坐得舒服 冷氣通風足夠 店員人手充裕！ 是不錯的用餐地方！♥️