Trois Cafe (已結業)

知道中環有間cafe告急後趕去支持下，小店位於小巷但唔算難搵，一入門口就有店員量體溫。店面較細，計埋bar枱坐到15人左右，平日午餐時間經常滿座(呢排大家盡量買外賣啦)。.青脆雞腿配拖鞋麵包(Ciabatta):Ciabatta喺cafe較唔常見，外皮少少脆，包身有好多氣孔，鬆軟同有空氣感。雞腿嘅肉質較淋，炸嘅時間啱啱好，加埋泰式辣醬滋味無窮。火箭菜同青蘋果片有解膩作用，另有開心果碎增加口感，如果畀多啲就好啦。.牛油果三文魚配牛角包:牛角包搽牛油後烘熱，牛油果泥有調過味，鋪滿整個包，挪威煙三文魚新鮮，配料有蕃茄、紅洋蔥同酸豆。最初見佢細細碟朋友仲擔心會食唔飽，但加埋咖啡啱啱好。Cappuccino/ Latte ($20加配)可以揀nutty或fruity(偏酸)，cappuccino對我黎講略苦，可能因為咁配上一粒蜜糖芝麻腰果，如果奶泡厚啲會更好。.門口有個架賣曲奇、老婆餅、合桃酥等小食，Scone 嘅收益不扣除成品捐畀小朋友，味道就普通啦，但有咁嘅心實在難得。