影片
更多
2021-07-29
125 瀏覽
小巷的悠閒角落一入到呢間位於灣仔小巷盡頭嘅cafe & bar，就覺得有種悠閒漫活嘅氛圍，令我諗起自己去澳洲旅行嗰時經常隨時走入一間coffee shop 飲吓咖啡嘆吓brunch嘅日子。.餐廳嘅裝潢係我最愛嘅簡約黑白風格，餐枱餐椅以木為主，最吸引眼球嘅係水bar上方放滿咗黑膠碟封套做裝飾，近門口嘅牆身位置仲有一個由好多個四方格組成嘅架，放置咗比較復古嘅擺設，而某啲座位嘅後方仲掛有油彩畫添，充滿文化氣息。.食物方面，有all-day breakfast、意粉、Burger、鹹甜嘅Crepe、扒、小食，選擇甚多，早午晚嚟到都會搵到啱食嘅嘢。.《Grilled Beef & New Potatoes Salad》$88叫咗一個好多人推薦嘅Salad，上菜嘅時候比想像中大碟，我哋兩個人share都幾足夠。燒牛肉份量慷慨，燒得恰到好處，肉嘅中間位置係好吸引嘅嫩粉紅色，食落好嫩。車厘茄同墊底嘅沙律菜新鮮爽脆，仲有成半個牛油果！最鍾意佢仲有好多麵包粒同埋稍稍煎香咗嘅薯粒，成個salad口感非常豐富，沙律汁酸酸地超級開胃😍.《Soft-shell crab risotto》$118軟殻蟹係其中一樣我
一入到呢間位於灣仔小巷盡頭嘅cafe & bar，就覺得有種悠閒漫活嘅氛圍，令我諗起自己去澳洲旅行嗰時經常隨時走入一間coffee shop 飲吓咖啡嘆吓brunch嘅日子。
.
餐廳嘅裝潢係我最愛嘅簡約黑白風格，餐枱餐椅以木為主，最吸引眼球嘅係水bar上方放滿咗黑膠碟封套做裝飾，近門口嘅牆身位置仲有一個由好多個四方格組成嘅架，放置咗比較復古嘅擺設，而某啲座位嘅後方仲掛有油彩畫添，充滿文化氣息。
.
食物方面，有all-day breakfast、意粉、Burger、鹹甜嘅Crepe、扒、小食，選擇甚多，早午晚嚟到都會搵到啱食嘅嘢。
.
Grilled Beef & New Potatoes Salad
$88
22 瀏覽
0 讚好
0 留言
《Grilled Beef & New Potatoes Salad》$88
叫咗一個好多人推薦嘅Salad，上菜嘅時候比想像中大碟，我哋兩個人share都幾足夠。燒牛肉份量慷慨，燒得恰到好處，肉嘅中間位置係好吸引嘅嫩粉紅色，食落好嫩。車厘茄同墊底嘅沙律菜新鮮爽脆，仲有成半個牛油果！最鍾意佢仲有好多麵包粒同埋稍稍煎香咗嘅薯粒，成個salad口感非常豐富，沙律汁酸酸地超級開胃😍
.
Soft-shell crab risotto
$118
7 瀏覽
0 讚好
0 留言
《Soft-shell crab risotto》$118
軟殻蟹係其中一樣我好鍾意食嘅嘢，通常我見到有軟殻蟹嘅菜式都會叫🤭呢個軟殻蟹Risotto賣相好靚，軟殻蟹炸得金黃，食落酥脆，唔會話覺得好厚粉，而且佢除咗面頭有軟殻蟹之外，飯入面仲混雜住一絲絲嘅蟹肉🦀Risotto嘅硬度係al dente，係正宗嘅，但我就偏好淋少少，純粹個人口味問題。醬汁方面，忌廉汁creamy得嚟唔會太漏，可能因為有啲蔬菜喺入面中和返，所以食晒成個飯都唔會覺得好滯。
.
Tonic Expresso Bomb
$68
18 瀏覽
0 讚好
0 留言
《Tonic Expresso Bomb》$68
呢度有好多手工啤同cocktail，不過因為我同朋友都唔飲酒，所以就叫咗咖啡。Tonic Expresso Bomb相當特別，佢有三樣components，分別係一杯杯邊沾有砂糖嘅tonic water，一小杯expresso同一舊橙。首先將expresso倒入tonic water，然後再掟埋舊橙入去篤咗幾吓（其實唔知咁做啱唔啱😂可能純粹for插杯邊🤭），飲飲下又覺得幾正，有expresso嘅甘苦，砂糖嘅甜，仲有橙嘅酸甜，五味雜陳得嚟又幾過癮。
.
Iceberg
$68
15 瀏覽
0 讚好
0 留言
《Iceberg》$68
相比之下，Iceberg就冇咁特別，有啲似黑牛，只係可樂變咗做咖啡。呢款咖啡偏酸，不過當雲呢拿雪糕溶咗，加添咗奶味同甜味落咖啡入面之後就好飲咗好多！
張貼
